MATHAI 27:25 - Mara Bible RV (BSI)

²⁵ Zawpi zydua ta, “A thisaih maoh cha keimo chô liata nata eima pathlazy chô liata y mawh sy!” tahpa ta a chhy ei ta.

MATHAI 27:25 ပူးပေါင်းရင်းမြစ်များ

2 SAMUELA 1:16

Dâvi ta a hnohta, “Na thisaih maoh cha na luh liata y mawh sy. ‘Abeipa sathawthupa ei thie,’ na tahpa vâta, nâma pakah tlai ta thailei a cha pachâ haw,” tah ta.

1 ABEIZY 2:32

Ano hlâta chyhsa sia viapa nata pha viapa pano, Nerâ sawchapawpa Izarei pheisaih hyutuhpa Abane nata Zethe sawchapaw­pa Zudâh pheisaih hyutuhpa Amâsâ zy kha, ei paw Dâvi pahno leipa ta thyuhnao ta, zaozi ta a thiepa vâ ei ta, thisaih a palona maoh cha Abeipa ta ano luh chô liata a vaw palie thlu aw.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

MALUHREINA 35:33

Nama pahrâna râh nama papuapalei awpa châ vei. Thisaih ta râh papuapalei ta, thisaih palotuhpa thisaih dei leipa ta cha, khâpa chatlaina ta hmah râh chô liata thisaih palo thlupa cha pathaisa thei vei.

MATHAI 21:44

Ahy rai cha alô chô liata a paopa cha keichheih aw ta, alô ta a vipa cha a pazao khai aw,” tah ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

RYHPACHANEINA 19:10

Chataleipatala Abeipa nama Khazohpa ta ryuto châta râh a cha piepa liata paraona a hnei leipa thisaih palopa châ aw ta, thisaih maoh nama phaoh pathlei aw.

RYHPACHANEINA 19:13

Nama ngiachhie awpa châ vei. Paraona a hnei leipa thisaih a palopa vâta, thaileichâna cha Izarei tawhta nama pasipathai awpa a châ. Chatanachata nama châta a pha aw.

ZAWSUA 2:19

Ahy rai na o chhikao tawhta khiliah lâ a puapa maih cha, a thisaih maoh ano luh chô liata y aw ta, keimo cha thailei châ aw ma pi. O chhôh liata na hnohta a ypa chô liata ku pathlapa a châ khiahta deikua cha, a thisaih maoh cha eima luh chô liata a y aw.