MATHAI 27:24 - Mara Bible RV (BSI)

²⁴ Pilâ ta khâpa hmahta tao thei leipa ta, tlao â tymâ via rilipa a hmô nahta, ti la ta, zawpi hmiakô liata a ku a si ta, “He chyhsa siapa thisaih liana heta ei pathaih na, nâmo tao ta tao teh u,” tah ta.

MATHAI 27:24 ပူးပေါင်းရင်းမြစ်များ

HLAZY 26:6

Ei kuzy he seina hnei lei awpa ta a sipa ta, Hy Abeipa, na maisâh chahlô aw na ta;

ZEREMIAH 2:27

Âmo cha tho hnohta, ‘Ei paw na châ,’ a tahpazy châ ei ta, Alô hnohta, ‘Nâ satuhpa na châ,’ a tahpazy ama châ. Hmia na chhy leipa ei ta, Ama hnôh tlao eina chhy ha ei. Ama nôpona daihti a vaw tlô nahta deikua cha, ‘Thyu la, miah pachha teh!’ ama tah tyh.

ZEREMIAH 2:35

‘Thaileina hnei va na, Chavâta Abeipa hiehâhna cha kei tawhta a kua haw,’ Na tah thlâh ha chy. Pachâ teh, ‘Molei va na,’ na tahpa vâta, Pachiana liata ei cha tlôkhei aw.

MATHAI 26:5

Châhrasala, “Kyhchhi chhôh ta la châ khah sy. Chataleipatala zawpi hry liata tymâna a y pathlei aw na,” tah ei ta.

MATHAI 27:19

Cha dei châ vei. Pilâ cha ryureina dyuchhai liata â tyuh thlâh ha nota, a lapinô ta, “Kha chyhsa siapa chô liana khata kheihta hmah tah khah y. Tanoh ano vâta ei mâ liata pasa thata ei tao,” tahpa ta bieta ta.

MATHAI 27:23

Pilâ ta, “Khazia maw, khâpa moleina ma a tao haw?” tah ta. Châhrasala, “Khaipâ teh,” tahpa ta thata awh via rili ei ta.

MATHAI 27:4

Ama hnohta, “Pei hria leipa thisaih ei paphasaipa vâta, ei vaw molei haw,” tah ta. Âmo ta, “Cha cha keimo châta khâpa a pei aw? Nâma tao ta tao teh” tah ei ta.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

MATHAI 27:9

Chatanachata hrohsopa Zeremiah ta, “Tâkâ tlaw sythôh, Izarei saw thokhazy ta ano mâ ama thliepa cha la ei ta,

ZAWHÂNA 13:9

Saimaw Pity ta a hnohta, “Abeipa, chata a châ khiahta la, ei phei dei châ leipa ta, ei ku nata ei luh chhao sy!” tah ta.

ZAWHÂNA 19:4

Pilâ cha pua heih ta, ama hnohta “Moh teh u, khâpa hmah a thaileichâna hmô va na tahpa nama pahno nawpa ta, nâmo lâ ei vaw chhi hih,” tah ta.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.