MATHAI 26:69 - Mara Bible RV (BSI)

⁶⁹ Pity cha dôhpachhôh tlyhmia khôtho liata a tyuh ta. Laihsa pakha ano lâ a vy ta, “Nâ chhao he Kâlili chyhsa Zisu hnohta a ypa na châ hra,” tah ta.

MATHAI 26:69 ပူးပေါင်းရင်းမြစ်များ

1 ABEIZY 19:13

Elaizâh ta cha cha a thei nahta, a viahkao pasipa ta a hmia a khu ta, kei pua ta, lôpu paka liata a kei duah ta. Ao vaw pua ta, a hnohta, “He liata khâpa na tao, Elaizâh?” tah ta,

1 ABEIZY 19:9

Lôpu miakha kei tlô ta, cha liata a rie ta. Abeipa bie a hnohta vaw tlô ta, Abeipa ta a hnohta, “He liata khâpa ma na tao, Elaizâh?” tah ta.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

MATHAI 26:58

Pity cha â hla kawpa ta Zisu cha pazi ta, theihthai beichaipa tlyhmia tlôna taih pazi ta. Achhâna pahno awpa ta a chhôh lâ a kei ngia ta, vaituhpazy hry liata a tyuh ta.

MATHAI 26:70

Pity ta, “Na bie reipa cha pahno va na,” tahpa ta ama zydua mohmô ta a papha ta.

MATHAI 26:71

Pua awpa ta tlyhmia chhikao lâ a vaw hai nota, laihsa hropa ta vaw hmô ta, cha liata a ypazy hnohta, “He chyhsa he Nâzari chyhsa Zisu hnohta a ypa a châ,” tah ta.

ZAWHÂNA 1:46

Nâthaniah ta a hnohta, “Nâzari khih tawhta hmo phapa a pua thei aw ma?” tah ta. Phili ta a hnohta, “A vy la, vaw moh teh,” tah ta.

ZAWHÂNA 7:41

Ahropazy ta, “He he Mesia a châ,” tah ei ta. Thokha hropazy deikua ta, “Mesia cha ma Kâlili râh tawhta a vaw pua aw tly?

ZAWHÂNA 7:52

Âmo ta a chhy ei ta, “Nâ chhao cha Kâlili chyhsa châ hra khiah chi? Patuapalua la, pachâ tua, Kâlili tawhta hrohsopa pua beih veih ei tahpa pahno châh chi,” tah ei ta.

HMOTAOPAZY 5:37

Ano khai tawhta, maluhpi reina daihti liana kha, Kâlili chyhsa Zudâh vaw pua heih ta, ano lâta chyhsa hluhpi a sy heih hra. Ano chhao cha thi ta, a zituhpazy ama paipatla khai haw.