MATHAI 26:65 - Mara Bible RV (BSI)

⁶⁵ Cha khaipa nahta, theihthai beichaipa cha a poh hrie ta, “Khazohpa a reipachhie he zaw. Pahnokheituhpa hropa khazia eimâ ngiah khao aw? Pachâ teh u, tahmâ tlai kha Khazohpa a reipachhiena nama thei khai ha khaw.

MATHAI 26:65 ပူးပေါင်းရင်းမြစ်များ

2 ABEIZY 18:37

Chatawhcha Hikia sawchapawpa abei o hyutuhpa Eliakima, chârohtuhpa Sebanâ nata Asâpha sawchapawpa thâtih rohtuhpa Zôah zy cha ama chysiazy hriepa ta Hezekia lâ vawh ei ta, Râbâsake bie reipazy cha kei chho ei ta.

ZEREMIAH 36:24

Châhrasala cha bie zydua a theipa abei tlyma, a chakaotuhpazy tlyma, ahy hmahta chi leipa ei ta, ama chysiazy hrie hra veih ei.

THEIHTHAINA 21:20

zôh kopa, heih a kho leipa mataw tupa, mo liata adoleina a hneipa, hmahchaku a hneipa, thachhâpa nata tihmô keipazy cha, ama Khazohpa viahchhâ hlâ awpa ta amâ hnia awpa châ vei.

MALUHREINA 14:6

Chatawhcha râh mohparutuhpazy hry liata a hlao hrapa Nunâ sawchapawpa Zawsua nata Zephune sawchapawpa Kâlebâ cha ama chysia hrie ei ta,

MATHAI 9:3

Ryhpa pachutuhpa thokhazy ta ama palôhrupa ta, “He chyhsa heta Khazohpa a reipachhie he,” tah ei ta.

LUKA 5:21

Ryhpa pachutuhpazy nata Phârisaihzy ta ama palôh liata sei ei ta, “Khazohpa a reipachhiepa he ahy ma a châ tly? Khazohpa dei leipa ta ahy ma moleinazy a ngiahthai thei?” tah ei ta.

ZAWHÂNA 10:33

Zuzy ta a chhy ei ta, “Raihria phapa vâta alô ta eima cha vawh awpa châ leipa ta, chyhsapa châ tlôh chi ta, Khazohpa ta a taopa ta, Khazohpa na reipachhiepa vâta alô ta eima cha vawh awpa a châ,” tah ei ta.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

HMOTAOPAZY 14:14

Cha thâtih cha lyuhchâpa Bânabâ nata Pawla ta ama thei nahta, ama chysiazy hrie ei ta, zawpi lâ a râpa ta, awh ei ta,