MATHAI 26:64 - Mara Bible RV (BSI)

⁶⁴ Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 26:64 ပူးပေါင်းရင်းမြစ်များ

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 22:44

“‘Abeipa ta ei Beipa hnohta, “Na chariahzy na phei ry liata ei soh khai hlâlei cha, Ei chachâh lâta a tyuh mah y,”’ a tahpa kha.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 26:25

A patusa awpa Zudâh ta a chhy ta, a hnohta, “Pachutuhpa, kei ei châ ma?” tah ta. Zisu ta, “Nâ ta na châpa na reih cha zaw,” tah ta.

MATHAI 27:11

Zisu cha râhvaotuhpa hmiakô liata a duah ta, râhvaotuhpa ta, “Zuzy Beipa na châ ma?” tahpa ta hiahri ta. Zisu ta a hnohta, “Na reipa hawhta ei châ,” tah ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

MÂKA 14:62

Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

LUKA 21:27

Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

LUKA 22:69

Châhrasala tahmâ tawhta la Chyhsa Sawchapawpa he Khazohpa hmotaotheina chachâh lâta â tyuh ha aw,” tah ta.

LUKA 22:70

Ama zydua ta, “Cha khiah, Khazohpa Sawchapawpa ma na châ?” tah ei ta. Zisu ta ama hnohta, “Nâmo ta Khazohpa Sawchapawpa ei châpa nama reih cha zaw,” tah ta.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

RAWMA 14:10

Cha khiahta la, khazia na unawhpa na sei? Khazia na unawhpa na mohnao? Eima zydua heta Khazohpa pachiana dyuchhai hmiakô liata a duah khai awpa eima châ,

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.