MATHAI 26:63 - Mara Bible RV (BSI)

⁶³ Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 26:63 ပူးပေါင်းရင်းမြစ်များ

1 ABEIZY 22:16

Abei ta a hnohta, “Abeipa moh ta biehmeiseihpa reipa dei leipa ta cha, ei hnohta khâpa bie hmah rei lei awpa ta ei khazie ma bie ei cha pataihsa aw?” tah ta.

2 THÂTIHZYRONA 18:15

Abei ta a hnohta, “Abeipa moh ta biehmeiseihpa reipa dei leipa ta cha, ei hnohta khâpa bie hmah rei lei awpa ta ei khazie ma bie ei cha pataihsa aw?” tah ta.

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

BIESOZY 29:24

Parutuhpa â pakaohpa cha ano hrona a haopa châ ta, Chhiesana bie thei ta, châhrasala reih vei.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

DÂNIAH 3:16

Sâdarâka, Mesâka nata Abenekô zy ta abei cha a chhy ei ta, a hnohta, “Hy Nebukaneza, he kyh liata eima châ chhy awpa chhao byuh vei.

THEIHTHAINA 5:1

“Khihtlâh tymâna kyh liata, mo ta hmôpa ta tlyma, nah ta theipa ta tlyma, chyhsa ta bie pahnotuhpa châ sala, a rei khoh leipa khiahta cha, hmo a paraopa châ ta, a hmoparaona maoh a phaoh aw.

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 26:62

Theihthai beichaipa cha a kaw duah ta, Zisu hnohta, “A chhy aw va chi ma? He chyhsazy ta ama cha leihna he khâpa ma a châ?” tah ta.

MATHAI 27:12

Theihthai beizy nata machâzy ta ama leih nota deikua cha, khâpa hmah a chhy vei.

MATHAI 27:14

Châhrasala a chhy leipa ta, ama leihna miakha chhao a chhy vei. Cha vâna chata râhvaotuhpa cha a noâh ngaita ta.

MATHAI 27:40

“Nâ, Achhyna o phie ta, noh thôh chhôh ta a paduapathi awpa chi, nâma sasyh ta a pachha châh chi! Khazohpa Sawchapawpa na châ khiahta cha, kraws tawhta za chô châh chi!” tah ei ta.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MÂKA 14:61

Châhrasala a chalih thlâh ha ta, khâpa hmah a chhy leipa ta. Theihthai Beichaipa ta hiahri heih ta, “Nohlaopa Sawchapawpa Krista cha na châ ma?” tah ta.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 10:24

Zuzy ta vaw chadô ei ta, a hnohta, “Khachâ ma noraihpa ta miah na soh aw? Mesia na châ khiahta cha, a siapa ta miah chho teh,” tah ei ta.

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 10:36

Paw ta panano ta, khizaw lâ a za tuapa ta, ‘Khazohpa Sawchapawpa ei châ,’ ei tahpa vâta, ‘Khazohpa na reipachhie,’ eina tah ei chi ma?

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 19:7

Zuzy ta a chhy ei ta, “Ryhpa miakha hnei pi ta, Khazohpa Sawchapawpa ta â taopa vâta, cha ryhpa hawhta a thi awpa a châ,” tah ei ta.

ZAWHÂNA 19:9

A o lâ a ngia heih ta, Zisu hnohta, “Khataih lâta chyhsa ma na châ?” tah ta. Châhrasala Zisu ta a chhy khoh leipa ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

ZAWHÂNA 8:25

Âmo ta a hnohta, “Ahy ma na châ?” tah ei ta. Zisu ta ama hnohta, “Âthaona tawhta ei cha chho tyhpa ei kha na ei châ.

2 KAWRINI 1:19

Kei nata Timawthy nata Silvanâ ta, nama hry liata eima phuahpa Khazohpa Sawchapawpa Zisu Krista kha, “A châ” nata “Châ vei” châ pakaoh vei. Ano liata cha khati no rai ta “A châ” tahpa a châ lymâ.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 14:26

Pheisaihzy ta râhmâhpa amâ ngia nahta, moh teh u, kheihti vaw loh ngâ kaw ta. Châhrasala bietai ama chipa vâta, a pakah liata a ku â tupa rai y veih ei.

1 SAMUELA 14:28

Pheisaih pakha ta a hnohta, “Na paw ta, ‘Tanoh pati a niepa cha chhiesapa ta y mawh sy’ tahpa ta pheisaihzy bietai a i ngaitapa ta chahry ha ta, chavâta pheisaihzy he ama panao hapa a châ,” tah ta.