MATHAI 26:61 - Mara Bible RV (BSI)

⁶¹ “He chyhsa heta, ‘Khazohpa Achhyna o he phie thei na ta, noh thôh chhôh ta ei paduapathi thei,’ a tah,” tah ei ta.

MATHAI 26:61 ပူးပေါင်းရင်းမြစ်များ

ÂTHAONA 19:9

Châhrasala, “A hnei teh” tah ei ta. Khihsawzy chata, “He chyhsa bao hra heta, he liata a vaw paih ta, tahmâ cha ryureituhpa ta y â chhuah he! Âmo eima tao chhiepa hlâta chhie viapa ta eima cha taochhie aw,” tah ei ta. Lawta cha chatitha ei ta, ochhi parao awpa ta a vaw hnia ei ta.

1 ABEIZY 22:27

ama hnohta, ‘Abei ta hetana heta a tah: “Thlalôhpa ta ei vaw kua heih hlâlei cha, he chyhsa he patâhna o liata khô u la, viahchhâ chyhta nata ti chyhta dei nama pie aw,” a tah,’ tahpa ta nama chho aw,” tah ta.

2 ABEIZY 9:11

Zehu cha a zibeipa chakaotuhpazy lâ vaw pua ta, ama hry liata pakha ta a hnohta, “Ato a pha khai ma? Kha ahrupa kha khâpa vâta nâ lâ a vypa ma a châ tly?” tah ta. Zehu ta ama hnohta, “Nama pahnopa chyhsa châ ta, a bie reipa chhao nama pahno kha zaw,” tah ta.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

MATHAI 26:62

Theihthai beichaipa cha a kaw duah ta, Zisu hnohta, “A chhy aw va chi ma? He chyhsazy ta ama cha leihna he khâpa ma a châ?” tah ta.

MATHAI 26:71

Pua awpa ta tlyhmia chhikao lâ a vaw hai nota, laihsa hropa ta vaw hmô ta, cha liata a ypazy hnohta, “He chyhsa he Nâzari chyhsa Zisu hnohta a ypa a châ,” tah ta.

MATHAI 27:40

“Nâ, Achhyna o phie ta, noh thôh chhôh ta a paduapathi awpa chi, nâma sasyh ta a pachha châh chi! Khazohpa Sawchapawpa na châ khiahta cha, kraws tawhta za chô châh chi!” tah ei ta.

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

MÂKA 14:58

“He chyhsa heta, ‘He Achhyna o, ku ta sapa he phie aw na ta, noh thôh chhôh ta Achhyna o hropa ku ta sa leipa ei padua aw,’ a tahpa eima thei,” tah ei ta.

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

ZAWHÂNA 9:29

Mawsi cha Khazohpa ta bie â chho tahpa eima pahno. He chyhsa deikua he la, khataih tawhta a vypa ma a châ tahpa pahno ma pi,” tah ei ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 18:13

“He chyhsa heta ryhpa chakhiapa ta, Khazohpa a chhy awpa ta chyhsazy a pasyu ei,” tah ei ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.