MATHAI 26:58 - Mara Bible RV (BSI)

⁵⁸ Pity cha â hla kawpa ta Zisu cha pazi ta, theihthai beichaipa tlyhmia tlôna taih pazi ta. Achhâna pahno awpa ta a chhôh lâ a kei ngia ta, vaituhpazy hry liata a tyuh ta.

MATHAI 26:58 ပူးပေါင်းရင်းမြစ်များ

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

MATHAI 5:25

Lyuh châ tuatuhpa nata ryureina su lâ nama sie hai nota, lâpi liata aryhna tao para ha mah y. Chataleipatala lyuh châ tuatuhpa ta ryureituhpa lâ cha hlâ aw ta, ryureituhpa ta vaituhpa lâ cha hlâ aw ta, patâhna o liata khôpa na châ pathlei aw.

LUKA 22:54

Chatawhcha Zisu cha patu ei ta, puakheipa ta, theihthai beichaipa o lâ a chhi ei ta. Pity cha lâhlapi ta pazi laih ta.

ZAWHÂNA 18:25

Saimaw Pity cha a dua hmahta mei a aih ta, “Nâ chhao he a pachupazy hry liata a hlaopa châ hra va chi ma?” tah ei ta. Pity ta, “Châ va na,” tahpa ta a papha ta.

ZAWHÂNA 19:6

Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

ZAWHÂNA 7:32

Zisu kyh liata zawpi a chiaburâhpa cha Phârisaihzy ta thei ei ta, chatanachata theihthai beizy nata Phârisaihzy ta Zisu patu awpa ta vaituhpazy tuah ei ta.

ZAWHÂNA 7:45

Vaituhpazy cha theihthai beizy nata Phârisaihzy lâ a vaw lie ei ta, âmo ta vaituhpazy hnohta, “Khazia namâ vaw chhi vei?” tah ei ta.

HMOTAOPAZY 5:22

Chakaotuhpazy cha vawh ei ta, âmo cha patâhna o liata hmô leipa ei ta, vaw kua ei ta.

HMOTAOPAZY 5:26

Achhyna o hyutuhpa cha chakaotuhpazy a chhipa ta vawh ta, zawpi ta alô ta ama vawh awpa ama chipa vâta, thachahra hmâ leipa ta lyuhchâpazy cha a vaw chhi ei ta.