MATHAI 26:53 - Mara Bible RV (BSI)

⁵³ Tahmâ tlai he ei Paw lâ a haw aw sah la, vâlyuhchâpa hlao hrawh hleino hlâta hluh via eina vaw tuapa thei tahpa pahno veih ei chi ma?

MATHAI 26:53 ပူးပေါင်းရင်းမြစ်များ

2 ABEIZY 6:17

Chatawhcha Elaisâh cha thlahchhâ ta, “Hy Abeipa y, a hmô thei nawpa ta a mo pavâsa mah y,” tah ta. Abeipa ta chakaotuhpa mo cha pavâsa ta. Tlâh cha mei talailihzy nata arâzy ta biepa ta, Elaisâh ama chadôpa hmô ta.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 4:11

Chatawhcha ahripa ta Zisu cha siesai ha ta. Vâlyuhchâpazy a vy ei ta, ano cha ama chakao haw.

MÂKA 5:15

Zisu kô ama kei tlô nahta, ahripa patupa, Zahluh kha chysia a tobipa ta, palôh sopa ta â tyu thlâh hapa hmô ei ta, chi ngaita ei ta.

MÂKA 5:9

Zisu ta, “Na moh ahy?” tah ta. Ano ta, “Ei moh cha Zahluh a châ, mo hluhpi eima châ,” tah ta.

LUKA 8:30

Zisu ta, “Na moh ahy?” tah ta. Ano ta, “Zahluh,” tah ta. Cha chyhsa chhôh liata ahripa hluhpi amâ ngiapa vâta a châ.

ZAWHÂNA 10:18

Ahy hmahta na lapa leipa ei ta, keima rei tlai ta ei piepa a châ. Pie thei awpa ta biehneina hnei na ta, la pakhua heih thei awpa biehneina chhao ei hnei. Cha biepiepa cha ei Paw tawhta ei hmôpa a châ,” tah ta.

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.