MATHAI 26:34 - Mara Bible RV (BSI)

³⁴ Zisu ta Pity hnohta, “Hmeiseihta ta ei cha chho, tazâ tlai heta, awh kho hlâta ei thôh einâ paphasai aw chi,” tah ta.

MATHAI 26:34 ပူးပေါင်းရင်းမြစ်များ

MATHAI 26:33

Pity ta a chhy ta, “Ama zydua ta cha paosai khai ha hra ei sala, kei la cha paosai beih aw va na,” tah ta.

MATHAI 26:75

Zisu ta, “Awh kho hlâta ei thôh einâ paphasai aw chi,” a tahpa kha, Pity ta a thei ta. Pua ta, aoh tlili ta cha ta.

MÂKA 14:72

Cha nota awhkhypa cha a einona ta thlai vaw khoh ta. Pity cha Zisu ta a hnohta, “Awh ei no a kho hlâta, ei thôh einâ paphasai aw chi,” a tahpa bie kha a vaw thei ta. Palôh keichheihpa ta cha ta.

LUKA 22:34

Zisu ta, “Pity, ei cha chho, ‘Ano cha pahno va na,’ tahpa ta ei thôh einâ paphasai hlâ via chi cha, tanoh he awh khoh aw vei,” tah ta.

LUKA 22:61

Abeipa cha a vaw heih ta, Pity cha vaw moh ta. Pity cha Abeipa ta a hnohta, “Tanoh he awh a kho hlâta ei thôh einâ papha aw chi,” a tahpa bie kha a kaw thei ta.

ZAWHÂNA 13:38

Zisu ta a chhy ta, “Keima châta na hro na hlâ aw mâ? Hmeiseihta ta, hmeiseihta ta ei cha chho, ei thôh einâ papha hlâlei chi cha awh khoh aw vei,” tah ta.