MATHAI 26:28 - Mara Bible RV (BSI)

²⁸ He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MATHAI 26:28 ပူးပေါင်းရင်းမြစ်များ

ZEREMIAH 31:31

“Pachâ teh u, Izarei pathlazy nata Zudâh pathlazy hnohta biehrai thiehpa ei tao nawpa nohzy a vaw tlô hai,” Abeipa ta a tah.

THEIHTHAINA 17:11

Sapa hrona cha thisaih liata y ta, cha cha nama hronazy chatlai nawpa ta, maisâh liata ei cha pie ei. Thisaih cha hrona châ ta, hrona chatlaina a tao theituhpa cha thisaih a châ.

ZEKARIA 9:11

Nâma kyh liata chhao, Na hnohta ei hraipa ei biehrai thisaih vâta, Na chyhsa atâhpazy cha, Ti y leina khaohtlô tawhta ei thaoh papua aw ei.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 26:27

Cha khai tawhta, nyu la ta, alyna bie a rei khai nahta, ama hnohta pie ta, “Nama zydua ta doh teh u.

MATHAI 26:29

Ei cha chho ei, ei Paw khinarâh liata nâmo chhaota a thiehpa ta ei dona noh a tlô hlâlei cha, kre zôh thei he doh heih khao aw va na,” tah ta.

MATHAI 6:12

Eima chô liata hmo a paraopazy eimâ ngiahthaipa hawhta, Eima paraonazy miah ngiahthai mah y.

MÂKA 1:4

Zawhâna a vy ta, râhchawhpa liata bâti pachâsa ta, moleinazy ngiahthai nawpa ta rona bâtina bie phuah ta.

MÂKA 14:24

Zisu ta ama hnohta, “He he ei thisaih, chyhsa hluhpi châta a lohpa biehrai thiehpa a châ.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

RAWMA 5:15

Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

RAWMA 5:19

Chyhsa pakha reingiah leina vâta chyhsa hluhpi moleipa ama châ hapa hawhta, chyhsa pakha reingiahna vâta chyhsa hluhpi mosiapa ama châ aw.

1 KAWRINI 11:25

Cha hawhna chata, zâpati ama nie khai nahta, nyu la ta, “He nyu he ei thisaih liata biehrai thiehpa cha a châ. Nama dona maihta einâ thei thlâh ha nawpa ei chi ta, he he tao tyh muh vy,” tah ta.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

KAOLAOSÂ 1:14

Ano liana chata chatlaina, moleinazy ngiahthaina eima hnei.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.