MATHAI 26:13 - Mara Bible RV (BSI)

¹³ Hmeiseihta ta ei cha chho ei, khizaw zydua liata he thâtihpha ama chhona su lia maihta, he chanô hmotaopa he ano a thei thlâh ha nawpa ta ama reih lymâ hra aw,” tah ta.

MATHAI 26:13 ပူးပေါင်းရင်းမြစ်များ

HLAZY 112:6

Mosiapa cha a chalyu beih leipa aw ta, Chhâzaw ta a thei thlâhpa a châ aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MÂKA 13:10

Thâtihpha cha phopi zydua hnohta chho khai tua awpa a châ.

MÂKA 14:9

Hmeiseihta ta ei cha chho ei, khizaw zydua liata thâtihpha ama chhona su lia maihta, he chanô hmotaopa he ano a thei thlâh nawpa ta ama reih lymâ hra aw,” tah ta.

MÂKA 16:15

Ama hnohta, “Khizaw zydua liata sie u la, hmotaopa zydua hnohta thâtihpha chho teh u.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

HMOTAOPAZY 10:4

Kawnilia ta ano cha kei moh ta, chi ngaita ta, a hnohta, “Abeipa, khâpa maw?” tah ta. Vâlyuhchâpa ta a hnohta, “Na thlahchhânazy nata na hmopiepazy avâ lâ kiah ta, Khazohpa ta a pahno thlâh haw.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

2 KAWRINI 10:18

Anosasyh a reipaphapa ta reithaina hlao hlei leipa ta, Abeipa ta a reipaphapa ta reithaina a hlao tyh.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

1 TIMAWTHY 2:6

Krista Zisu cha chyhsa zydua chatlai nawpa ta anosasyh ta a pie ta, a daihtita liata chatlaina bie a phuah haw.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.