MATHAI 25:5 - Mara Bible RV (BSI)

⁵ Myuhneituhpa charâ ta â vy leipa vâta, ama zydua ta tlauahpa ta, a mô ha ei ta.

MATHAI 25:5 ပူးပေါင်းရင်းမြစ်များ

HLAZY HLA 3:1

Zâ ta khôpheih chô tawhta rohpadypa ta, Lôh rie ei ngiabâh chaipaw cha tlua na ta, Tlua na ta, châhrasala hmô va na.

HLAZY HLA 5:2

A zia taraw na ta, Ei palôh deikua â hra thlâh haw. Nathlie tua u! Ei lôhdupaw ta ochhi vaw chakhyh ta, “Hy ei sietanô, ei khochainô, Ei vachhuh, kei châta sia pakinô, Ochhi na vaw pahy teh. Diati ta ei luh padâ ta, Zâ ameih ta ei sâphiehpa a padâ khai ha hih,” tah ta.

HLAZY HLA 5:3

Ei chysia pahluh ha na ta, Kheihta ma thlai ei tobi heih thei aw? Ei phei a si ha na ta, Khazia ei papua heih aw?

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

MATHAI 24:48

Chakaotuhpa moleipa deikua cha, a palôh liata, ‘Ei zibeipa cha charâ ta a vy bao aw vei,’ tahpa ta,

MATHAI 25:19

Bohpi a châ tawhta, chakaotuhpazy zibeipa cha vaw tlô ta, a sôh a pavaosapazy pasia ta.

MATHAI 25:4

asopazy deikua cha ama meiôhzy dei châ leipa ta, meiti ôhzy chhao a chei pâ ei ta.

MATHAI 25:6

Zâcho ta, ‘Moh teh u, myuhneituhpa cha â vy haw! Dy awpa ta pua teh u,’ tahpa ta awhpa pyu vaw y ta.

MATHAI 26:40

Pachupazy yna lâ vawh ta, amâ mô thlâh hapa hmô ta. Pity hnohta, “Aw! Dawh kha chhôh chhao na vaihkhei thei veih ei chi ma?

MATHAI 26:43

A vy heih ta, mokuh ama saih thei leipa vâta, a vaw mô thlâh ha heih ei ta.

LUKA 1:21

Zawpi ta Zekaria cha hâ thlâh ha ei ta, Achhyna o liata a y parei kawpa vâta ama noâh kaw ta.

LUKA 12:45

Chakaotuhpa ta a palôh liata, ‘Ei zibeipa charâ ta a vy bao aw vei,’ tahpa ta, chakaotuhpa hropazy cha a chanô chapaw ta tu sala, niedopa ta a pari khiahta deikua cha,

LUKA 18:8

Ei cha chho ei, ama châta hmo dopa thlai a taopa aw ei. Anodeikua cha Chyhsa Sawchapawpa â vy tita, khizaw liana he ngiapâna a vaw hmô aw tly ma?” tah ta.

LUKA 20:9

Zawpi hnohta he pakhona bie he reih ta: “Chyhsa pakha cha kre sadô tao ta, lyutaopazy hnohta thlyuhlao awpa ta pie ta, bohpi y awpa ta râh hro lâ sie ha ta.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

BIEPHUAH 2:25

Nama hnei chiehpa deikua kha, ei vy hlâlei khâchâ patu ha muh vy.