MATHAI 25:43 - Mara Bible RV (BSI)

⁴³ khichhaipa châ na ta, na patlôsa leipa ei chi ta; thluahruapa ta y na ta, chysia na pie leipa ei chi ta; tlâh leipa nata patâhna o liata ei y nota, na tly veih ei chi,’ a tah aw ei.

MATHAI 25:43 ပူးပေါင်းရင်းမြစ်များ

ZAWBÂ 31:19

Chysia hnei lei vâta athipa hmôpa ta, Phahlapa sasaihpa ta a ypa hmô aw sah la;

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

EZEKIA 22:29

Râhsawzy chhao ta, chyhsa hmozy chhu ei ta, chyhsazy hrao ei ta, dyhchhiepa nata phahlapazy tlybaipa ta, chihropa mapaihpazy chô liata nôchhiepa ta y ei ta, amâ dona nata tovyuhzy ama pakhâ tyh.

MATHAI 25:36

thluahruapa ta y na ta, chysia na pie ei chi ta, tlâh leipa na ta, na vaih ei chi ta; patâhna o liata y na ta, eina tly ei chi,’ a tah aw ei.

MATHAI 25:42

Ei nodi ta, nie awpa na pie leipa ei chi ta; ei dâhphi ta, do awpa na pie leipa ei chi ta;

MATHAI 25:44

Âmo ta a chhy aw ei ta, a hnohta, ‘Abeipa, khati ta ma nodipa ta tlyma, dâhphipa ta tlyma, khichhaipa ta tlyma, tlâh leipa ta tlyma, patâhna o liata tlyma cha hmô pi ta, eima cha chakao vei?’ ama tah aw.

HMOTAOPAZY 15:36

Noh khazie tlyma a khô tawhta, Pawla ta Bânabâ hnohta, “Sie heih sih la, Abeipa bie eima chhona khi to liata unawhzy kei tly laih sih la, khâpa ma ama lyu tahpa kei moh laih ei suh u,” tah ta.

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

RYUREITUHPAZY 19:15

Cha liata tlei ei ta, a rie awpa ta Kibia khih lâ pangai ei ta. Khihpi cha a ngia ei ta, ama o liata pariesa awpa ta a hruapa ama y leipa vâta, khihpi tlyliah liata a tyuh ei ta.