MATHAI 25:41 - Mara Bible RV (BSI)

⁴¹ “Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 25:41 ပူးပေါင်းရင်းမြစ်များ

HLAZY 119:115

Nâmo, moleina hmo a taopazy saih u, Ei Khazohpa biepiepazy ei zyh thei nawpa ta, Na siesai syulyu ha teh u.

HLAZY 119:21

Apalaipazy ra chi ta, Na biepiepazy a paviasaipa cha, Chhiesapa ta ama y tyh.

HLAZY 139:19

Hy Khazohpa, hmoparaopazy cha, Thie ha la ei tah kaw dia! Nâmo, thisaih palo a khohpa saih u, Na siesai teh u.

HLAZY 6:8

Nâmo moleina hmo a taotuhpa zydua saih u, Na siesai teh u, Abeipa ta ei chana ao thei ha tlôh ta.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 17:5

Abeipa ta hetana heta a tah: “Chyhsapa a ngâchhâpa ta, A sapa cha a thatlôna ta hmâh ta, Abeipa a heihsaina palôh a hneipa cha, Chhiesapa ta y mawh sy.

MATHAI 13:40

Sâh pakheipazy cha pahmaohpa ta mei liata raopa ama châpa hawhta, daihti chhâna liata a châ hra aw.

MATHAI 13:42

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 13:50

moleipazy cha patina meihô liata ama thy aw. Cha liata chana nata hâh chariehna a y aw.

MATHAI 18:8

Na ku tlyma, na phei tlyma ta a cha pamoleisa khiahta cha, tai la, thy ha mah y. Ku no tlyma, phei no tlyma hneipa ta, chhâzaw mei liata thypa na châ awpa hlâta cha, pihpasipa ta tlyma, pheisypa ta tlyma, hrona liata a ngiapa na châta a pha via.

MATHAI 25:42

Ei nodi ta, nie awpa na pie leipa ei chi ta; ei dâhphi ta, do awpa na pie leipa ei chi ta;

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MATHAI 7:23

Cha tina chata ama hnohta, ‘Nâmo, moleina hmo a taopazy saih u, cha pahno beih veih ei na, na siesai teh u,’ ei tah aw ei.

LUKA 13:27

Châhrasala ano ta, ‘Ei cha chho ei, khataih tawhta a vypa ma nama châ, cha pahno veih ei na. Nâmo, hmo moleipa a taopa zydua saih u, kei tawhta sie syulyu ha teh u!’ a tah aw.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

HEBRAI 6:8

Chhaohlei ta ahloh nata bôbawzy a papua khiahta deikua cha, hnypa ta y ta, chhiesa thlupa châ ta, a chhâ nawpa cha mei ta rao awpa a châ.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.