MATHAI 25:36 - Mara Bible RV (BSI)

³⁶ thluahruapa ta y na ta, chysia na pie ei chi ta, tlâh leipa na ta, na vaih ei chi ta; patâhna o liata y na ta, eina tly ei chi,’ a tah aw ei.

MATHAI 25:36 ပူးပေါင်းရင်းမြစ်များ

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

EZEKIA 34:4

Mietaku chiehleipazy thapatlô leipa ei chi ta, a pasapazy patlâh hra leipa ei chi ta, hmahphaohpazy chhao chahry veih ei chi. Lâpi a paviapazy a vaw chhi pakhua leipa ei chi ta, aleipazy tlua hra vei ei chi. Nôchhiepa nata chahrâhpa ta ama chô liata ryu tlao nama reih tyh.

MATHAI 25:37

Mosiapazy chata a chhy aw ei ta, a hnohta, ‘Abeipa, khati ta ma nodipa ta cha hmô pi ta, nie awpa eima cha pie? Khati ta ma dâhphipa ta cha hmô pi ta, do awpa eima cha pie?

MATHAI 25:43

khichhaipa châ na ta, na patlôsa leipa ei chi ta; thluahruapa ta y na ta, chysia na pie leipa ei chi ta; tlâh leipa nata patâhna o liata ei y nota, na tly veih ei chi,’ a tah aw ei.

LUKA 3:11

Zawhâna ta ama hnohta, “Ahy rai viahkao zo no a hneipa ta, a hnei leipa hnohta pie sala, ahy rai niedo a hneipa ta, cha hawhta tao hra mawh sy,” tah ta.

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.