MATHAI 25:35 - Mara Bible RV (BSI)

³⁵ Ei nodi ta, nie awpa na pie ei chi ta; ei dâhphi ta, do awpa na pie ei chi ta; khichhaipa châ na ta, na patlôsa ei chi ta;

MATHAI 25:35 ပူးပေါင်းရင်းမြစ်များ

1 ABEIZY 17:11

Ti la awpa ta a vawpa cha kei awsao heih ta, a hnohta, “Viahchhâ chyhta chhao na vaw cheipa pâ mah y,” tah ta.

ZAWBÂ 31:32

Khitlyhpa châta ei ochhi ei pahypa vâta, Sievawhpa khiliah liata a rie beih vei.

BIESOZY 14:21

A vaih a mohnaopa cha moleipa châ ta, Dyhchhiepazy chô liata a ria a phapa deikua cha vânoh a to aw.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

BIESOZY 22:9

Chyhsa riaphapa cha sipasapazy niedo â chhaih tyhpa vâ ei ta, Vânoh a to aw.

BIESOZY 25:21

Na chariahpa a no a di khiahta cha nie awpa pie la, A dâh a phi khiahta cha ti do awpa pie mah y.

EZEKIA 18:16

ahy hmahta tlybai leipa ta, sôhkâ la leipa ta, ahy hmah hrao leipa sala, nodipazy niedo piepa ta, thluahruapa poh pabu sala,

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 26:11

Dyhchhiepazy cha nama hnohta khâ ama y thlâh ha aw. Kei deikua cha nama hnohta khâ a y awpa châ va na.

MÂKA 14:7

Dyhchhiepazy cha nama hnohta khâ a ypa châ ei ta, nama khona maihta ama châta hmo pha nama tao thei. Kei deikua cha, nama hnohta khâ a y awpa châ va na.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

ZAWHÂNA 13:29

Thokha ta, Zudâh cha tâkâ sahria a vaotuhpa a châpa vâta, “Kyhchhina châta hmo eimâ ngiahpa kei chalei teh,” a tahpa a châ na ta pangiasa ei ta, a châ vei khiah, dyhchhiepazy hnohta hmo pie awpa a chhopa a châ na ta ama pangiasa.

HMOTAOPAZY 10:31

‘Kawnilia, na thlahchhâna kha theipa châ ta, na hmopiepazy chhao Khazohpa ta â thei.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RAWMA 12:20

Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

EPHESI 4:28

A paru tyhpa ta paru khao leipa sala, phahlapazy pie awpa a hnei thei nawpa ta, ano ku ta hmo phapa hria sala, hriapasa mawh sy.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

PHILEMAW 1:7

Unawh y, nâma zawhzi ta mopathaihpazy palôh pathiehpa ta y ta, na kyhpachâna ta alyna nata thlalôhna thata eina pie.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.