MATHAI 25:32 - Mara Bible RV (BSI)

³² a hmiakô liata phopi zydua a vypakhy aw ei ta, mietaku vaituhpa ta miezy hry tawhta mietakuzy a pahruapa hawhta, chyhsazy a pahrua aw ei.

MATHAI 25:32 ပူးပေါင်းရင်းမြစ်များ

HLAZY 1:5

Chavâta hmoparaopazy cha pachiana liata thaichâ leipa aw ei ta, Moleipazy chhao mosiapazy apakhyna liata a hlao thei aw veih ei.

HLAZY 78:52

A phopi deikua cha mietaku hawhta puakhei ta, Mietaku zaw hawhta râhchawhpa liata a chhihtha ei.

HLAZY 96:13

Abeipa hmiakô liata hla sa mawh ei sy. Abeipa cha a vy ta, Khizaw pachia awpa ta â vy. Siana ta khizaw pachia aw ta, A ngâchhihna ta phopizy a pachia aw.

HLAZY 98:9

Abeipa hmiakô liata hla sa mawh ei sy. Abeipa cha khizaw pachia awpa ta â vy. Siana ta khizaw pachia aw ta, Â khopa ta phopizy a pachia aw.

EZEKIA 20:38

Chhorupazy nama hry tawhta pasipathai aw ei na ta, ei chô liata hmo a paraotuhpazy chhao ei pasipathai ha aw ei. Ama y chyna râh tawhta a chhi aw ei na ta, châhrasala Izarei râh a ngia aw veih ei. Chatanachata Abeipa ei châ tahpa nama pahno aw.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MATHAI 13:49

Cha hawhna chata daihti chhâna liata a y hra aw. Vâlyuhchâpazy a zu aw ei ta, moleipazy cha mosiapazy tawhta pahrua aw ei ta,

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

RAWMA 2:12

Ryhpa hnei leipa ta hmo a paraopazy cha, ryhpa leipa ta leidia aw ei ta; ryhpa hneina chôta hmo a paraopazy cha, ryhpa ta pachiapa ama châ aw.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”