MATHAI 25:24 - Mara Bible RV (BSI)

²⁴ Talent miakha a pavaosapa chhao kha a vy ta, a hnohta, ‘Ei zibeipa, nâ cha chyhsa chakhiehchariehpa châ chi ta, na tu leina liata tai chi ta, na hie leina liata chhao a hria tyhpa na châ tahpa ei pahno.

MATHAI 25:24 ပူးပေါင်းရင်းမြစ်များ

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

MATHAI 18:24

A sôh kyh cha a pasia nahta, chyhsa pakha talent thy kha a bâhpa a hnohta a vaw chhi ei ta.

MATHAI 20:12

a hnohta, ‘A hnôh chai ta a hriapazy he dawh kha chhôh deita hria ei ta, keimo noh y ta hriapasa ta, nohsa a daohpazy nata kheihtazie ta miah na pakho thlâh haw?’ tah ei ta.

MATHAI 25:25

Chavâta chi na ta, sie na ta, na talent kha alei liata ei nyu haw. Moh teh, na eih ualua ta na hmô heih hih,’ tah ta.

MATHAI 25:26

A zibeipa ta a hnohta, ‘Nâ, chakaotuhpa moleipa nata thathipa! Ei tu leina liata hria tyh na ta, ei hie leina liata chhao ei tai tyh tahpa cha na pahno ma?

MATHAI 7:21

“ ‘Abeipa, Abeipa,’ nâ tahpa maihta, vârâh khinarâh a ngia leipa aw ei ta, ei Paw vârâh liata a ypa khopa a taotuhpa deita ta â ngia aw.

LUKA 15:29

châhrasala a paw cha a chhy ta, ‘Pachâ tua, chatikôsy cha chakao na ta, na rei a ngiah leipa ta y beih va na. Chatanachôta ei viasazy nata alyna ei tao nawpa ta mietaw pô kha dâhdei chhao na pie beih va chi.

LUKA 19:13

A sie chy ta a chakaotuhpa pahrawhzy aw ta, âmo cha tâkâ minâ tlaw hrawh chyu pie ta, ama hnohta, ‘Ei vaw tlô heih hlâlei sôh vaw palie muh vy,’ tah ta.

LUKA 6:46

“Ei bie zyh tlôh leipa ei chi ta, khazia, ‘Abeipa, Abeipa,’ eina tah ei chi?

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

RAWMA 9:20

Châhrasala chyhsapa y, Khazohpa a chakhia hrapa chi cha, ahy ma na châ? Hmotaopa ta a taotuhpa hnohta, “Khazia he hawhta eina tao chi?” a tah aw mâ?