MATHAI 24:48 - Mara Bible RV (BSI)

⁴⁸ Chakaotuhpa moleipa deikua cha, a palôh liata, ‘Ei zibeipa cha charâ ta a vy bao aw vei,’ tahpa ta,

MATHAI 24:48 ပူးပေါင်းရင်းမြစ်များ

2 ABEIZY 5:26

Elaisâh ta a hnohta, “Kha chyhsa ta châ tyh awpa ta a talailih tawhta â vaw lie nona kha, ei palôh na hnohta a vaw sie ha mâh tâh. He daihti he tâkâ zy, chysia zy, ôli sadô zy, kre sadô zy, mietaku zy, viahchao tôhpa zy, seichapawzy nata seichanôzy a hlâ nawpa daihti a châ ma?

BIECHHOTUHPA 8:11

Moleina hmo a taopazy cha thlai ta hriepa ama châ leipa vâta, chyhsa sawzy palôh cha moleina kyh liata a riah a pha tlamaw tyh.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

EZEKIA 12:22

“Chyhsa sawchapawpa y, Izarei râh kyh liata he bieso nama hneipa, ‘Noh khih a vaw pasi nahta cha, aluahna to chhao hraoleipa ama châ heih tyh,’ nama tahpa he, a yzie khâpa ma a châ tly?

EZEKIA 12:27

“Chyhsa sawchapawpa y, Izarei pathlazy ta, ‘Aluahna a hmôpazy cha, noh hluhpi khai tawhta a vaw tlô awpazy châ ei ta, hmialâ daihti pasipi liata a y awpa kyh a châ,’ ama tah.

MATHAI 18:32

A zibeipa ta ano cha aw ta, a hnohta, ‘Nâ, chakaotuhpa moleipa! Einâ hawpa vâ chi ta na leibâh zydua châ ngiahthai na ta,

MATHAI 24:47

Hmeiseihta ta ei cha chho ei, cha chakaotuhpa cha a hneipa zydua chô liata hyutuhpa ta a tao aw.

MATHAI 24:49

a chakaolâhpazy tu sala, sahma paripazy hnohta niedopa ta a y khiahta cha,

MATHAI 25:26

A zibeipa ta a hnohta, ‘Nâ, chakaotuhpa moleipa nata thathipa! Ei tu leina liata hria tyh na ta, ei hie leina liata chhao ei tai tyh tahpa cha na pahno ma?

MÂKA 7:21

Chhôh tawhta, chyhsapa pathipalôh tawhta, pachâna moleipazy a kaw pua tyh. Apatlana, paruna, lianycheina, apheina,

LUKA 12:45

Chakaotuhpa ta a palôh liata, ‘Ei zibeipa charâ ta a vy bao aw vei,’ tahpa ta, chakaotuhpa hropazy cha a chanô chapaw ta tu sala, niedopa ta a pari khiahta deikua cha,

LUKA 19:22

Zibeipa ta a hnohta, ‘Chakaotuhpa moleipa, na pakah tawhta bie a puapa tlai ta thailei ei cha pachâsa aw! Chyhsa chakhiehcharieh kawpa châ na ta, ei sokhâh leipa chhao la tyh na ta, ei tu leipa chhao a hria tyhpa ei châpa cha na pahno naw?

ZAWHÂNA 13:2

Ahripa ta Saimaw sawchapawpa Zudâh Iskari cha, Zisu patusa awpa pachâna a palôh liata soh ta. Chatanachata zâpati ama dôh nota,

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

HMOTAOPAZY 8:22

Chavâta na moleina ro la, na palôh phaozie a châ ngiahthai thei nawpa ta, Abeipa lâ thlahchhâ mah y.

RYHPACHANEINA 15:9

A vaih teh u, chataleipatala, ‘Dyuchei ngiahthaina kô, kô sarina a vaw tlô daihmâ haw,’ tahpa ta nama unawh dyhchhiepa cha uasa a chhuah leipa ta, bao khoh leina palôh chhiepa nama hnei pathlei aw. Cha hawhta nama y khiahta cha, Abeipa lâ cha tlôkhei aw ei ta, nama châta moleina a châ aw.

RYHPACHANEINA 9:4

“Abeipa nama Khazohpa ta âmo cha nama hmiakô tawhta a cha papuapa khai tawh ei ta, nama palôh liata, ‘Eima siana vâta Abeipa ta he râh he hnei awpa ta miah â kaw chhi,’ nama tah awpa châ vei. He phopizy moleina vâta Abeipa ta nama hmiakô tawhta a papuapa ei tlao a châ.