MATHAI 24:42 - Mara Bible RV (BSI)

⁴² Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 24:42 ပူးပေါင်းရင်းမြစ်များ

MATHAI 24:36

“Châhrasala cha noh nata dawh cha, Paw dei leipa ta cha ahy hmahta pahno veih ei. Vârâh liata vâlyuhchâpazy chhao ta pahno leipa ei ta, Sawchapawpa chhao ta pahno vei.

MATHAI 24:43

Châhrasala he he pahno teh u: Kheihawhpa zâ daihti liata ma parutuhpa â vy aw tahpa o hneituhpa ta pahno ha sala cha, a hrapa ta vaih aw ta, a o pangiasa aw vei.

MATHAI 24:44

Chavâta nâmo chhao a mâ chiehpa ta y teh u, nama pangiasa leina daihti liata Chyhsa Sawchapawpa cha a vy tlôh aw ta.

MATHAI 25:10

Chalei awpa ta ama vawh chhôh ta myuhneituhpa cha vaw tlô ha ta, a mâ chiehpazy cha ano nata kialao nie awpa ta a ngia ei ta, ochhi khaw ha ei ta.

MATHAI 25:13

A noh nata dawh pahno tlôh leipa ei chi ta, chavâta a hrohrua teh u.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

RAWMA 13:11

Tahmâhlâ hmo yzie pahno ei chi ta, amôpa thyu â daih haw tahpa nama pahnopa vâta cha cha ei reih. Tahmâ cha eimâ ngiapâ tua no hlâta eima pachhana a hnia via ha tlôh ta.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

1 THYSALAWNIKA 5:6

Chavâta mohropazy hawhta a mô leipa ta, a hra sih la, palôh pasohpa ta y ei suh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”