MATHAI 24:31 - Mara Bible RV (BSI)

³¹ Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 24:31 ပူးပေါင်းရင်းမြစ်များ

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 67:7

Khazohpa ta byhnâ miah pie aw ta, Khizaw kaokih ta ano cha chi mawh ei sy!

HLAZY 81:3

Thla thiehpa liata chiahmie tô u la, Thlâpâ pôlô no nata eima kyhchhi noh liata chhao tô teh u.

PUASAINA 19:16

A noh thôhna noh my ta tôkalôh a vaw thua ta, dôhlazy vaw pathlie ta, tlâh chô liata meihdo chhakaluhpa a vaw chhoh ta, chiahmie paro ngaitapa vaw paro ta, riehmo liata a ypa chyhsa zydua cha a chalyu ei ta.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 43:6

Maw lâ hnohta, ‘Pathlie teh,’ tah aw na ta, Chho lâ hnohta, ‘Hraih kha,’ ei tah aw. Ei sawchapawzy lâhlapi tawhta a vaw chhi la, Ei sawchanôzy alei chhâna tawhta a vaw chhi mah y.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 49:18

A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ISAI 60:4

Na chheipâh zydua mohmia pasaih la, moh tua, Na chyhsa zydua a hmaoh ei ta nâ lâ amâ vy. Na sawchapawzy lâhlapi tawhta a vy aw ei ta, Na sawchanôzy chhao vaw pi aw ei ta, Ama vaw tlô hra aw.

DÂNIAH 7:2

Dâniah ta hetana heta phuah ta, “Zâ ta aluahna liata hmôpa hnei na ta, moh teh u, avâ thlih miapalihpazy ta tilaipi rônahpa cha thata vaw chatlao ei ta.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

ZEKARIA 2:6

“Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

MATHAI 24:32

“Theiku kô tawhta a chu teh u. A chhyh panyupa kaw paka ta, a hna a vaw thao khiahta cha, nopi â hnia haw tahpa nama pahno tyh.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 11:52

Izarei phopi châta dei châ leipa ta, Khazohpa saw râh to liata hiepatlapazy hlao kha ta syhpahmaoh nawpa a châ hra.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

1 KAWRINI 15:52

Chiahmie hnôhchaipa a paro tita, sôkha ta, movi hlâta pananopa ta eima y khai aw. Cha tita, athihpazy cha thi khao lei awpa ta pathyupa châ aw ei ta, keimo chhao pananopa ta eima y ha aw.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

RYHPACHANEINA 30:4

Avâ chy chhâna taihta paipatlapa ta nama ypa chhao ta, cha su tawhta Abeipa nama Khazohpa ta cha pakhy aw ei ta, cha tawhtapa cha a châ chhi heih aw ei.

RYHPACHANEINA 4:32

“Nama y hlâta hlâno daihtizy kha hiahri u la, avâ chhâna hiakha lâ tawhta hiakha lâ chhâna taih hiahri tua u. Khazohpa ta alei chô liata chyhsapa a tao noh tawhta, he hawhpa hmo rônahpa he a y beih ma, theipa a châ beih ma?

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

2 THYSALAWNIKA 2:1

Unawh saih u, eima Beipa Zisu Krista avyna nata a hnohta lapakhypa ta eima y nawpa kyh liata, nâmo lâta ahawna ei tao.

HEBRAI 12:19

chiahmie tôpa pyu nata a bie reipa ao vâta, a theituhpazy ta ama hnohta bie hropa rai rei khao lei awpa ta amâ hawna tlâh lâ a vypa châ veih ei chi.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.

BIEPHUAH 8:2

Chatawhcha Khazohpa hmiakô liata a duah tyhpa vâlyuhchâpa pasarizy hmô na ta, ama hnohta chiahmie miasari piepa châ ei ta.