MATHAI 24:3 - Mara Bible RV (BSI)

³ Zisu Ôli tlâh liata â tyu thlâh ha nota, pachupazy âmo dei ta ano lâ a vy ei ta, “Miah chho teh, he hmozy he khati ta ma vaw tlô aw ta, nâ vy heihna nata daihti chhâna cha khati ta a châ aw?” tah ei ta.

MATHAI 24:3 ပူးပေါင်းရင်းမြစ်များ

MATHAI 13:36

Zisu ta zawpizy cha siesai ta, o liata a ngia ta, a pachupazy ano lâ a vy ei ta, a hnohta, “Lyu liata sâh pakheipa pakhona bie kha miah chhopasia teh,” tah ei ta.

MATHAI 13:49

Cha hawhna chata daihti chhâna liata a y hra aw. Vâlyuhchâpazy a zu aw ei ta, moleipazy cha mosiapazy tawhta pahrua aw ei ta,

MATHAI 15:12

Cha khai tawhta a pachupazy a vy ei ta, a hnohta, “Cha bie cha Phârisaihzy ta thei ei ta, ama palôh a tlâh lei kaw tahpa na pahno ma?” tah ei ta.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 17:19

Pachupazy cha âmo dei ta Zisu lâ a vy ei ta, a hnohta, “Khazia keimo ta thlahpa puapa eima papua thei vei?” tah ei ta.

MATHAI 21:1

Zerusale amâ hnia nahta, Ôli tlâh liata Bethaphâ khih lâ vawh ei ta. Zisu ta pachupa pano tuah ta,

MATHAI 24:27

Nochhi lâ tawhta dôhla vaw pathlie ta, notla lâ taihta a khaihpa hawhta, Chyhsa Sawchapawpa a vy heihna cha a châ aw.

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 24:37

Chyhsa Sawchapawpa a vy heihna cha, Nôah hro nota yzie hawhna khata a châ aw.

MATHAI 24:39

Tipaua vaw tlô ta, ama zydua ta a pahlei khai hlâlei cha, khâpa hmah ama pahno leipa hawhna khata, Chyhsa Sawchapawpa avyheihna cha a châ aw.

MATHAI 24:43

Châhrasala he he pahno teh u: Kheihawhpa zâ daihti liata ma parutuhpa â vy aw tahpa o hneituhpa ta pahno ha sala cha, a hrapa ta vaih aw ta, a o pangiasa aw vei.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

LUKA 21:7

Âmo ta a hnohta, “Pachutuhpa, chazy cha khatita ma a châ aw? Chazy a vaw tlô chy ta ngiana kheihawhpa ma a y aw?” tahpa ta hiahri ei ta.

HMOTAOPAZY 1:7

Zisu ta ama hnohta, “Paw ta a daihti nata a noh kyh cha ano biehneina liata soh ta, nâmo pahno awpa châ vei.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.