MATHAI 24:2 - Mara Bible RV (BSI)

² Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.

MATHAI 24:2 ပူးပေါင်းရင်းမြစ်များ

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

LUKA 19:44

Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.

2 PITY 3:11

Cha hawhta hmo to zydua pahleipadia khai awpa a châpa vâta, pathaihna nata Khazohpa pachâna hro ta a hrohpa chyhsazy nama châ awpa a byuh.

BIEPHUAH 21:22

Achhyna o deikua khihpi chhôh liata hmô va na, Abeipa Khazohpa Atotaotheipa nata Mietakutaw cha khihpi Achhyna o a châpa vâta.