MATHAI 23:9 - Mara Bible RV (BSI)

⁹ Alei chô liana heta ahy hmah nama paw ta aw hra khah u. Paw cha vârâh liata a ypa pakha deita nama hnei.

MATHAI 23:9 ပူးပေါင်းရင်းမြစ်များ

2 ABEIZY 13:14

Elaisâh cha thikhei awpa pasana hri ta pasa ta. Izarei bei Zôasâ cha ano lâ zu ta, chakhei ta, “Ei pâ, Hy ei pâ! Izarei talailihzy nata ama arâ pheisaihzy ta a ypa y!” tah ta.

2 ABEIZY 2:12

Cha cha Elaisâh ta hmô ta, “Ei pâ, Hy ei pâ, Izarei talailihzy nata ama arâ pheisaihzy ta a ypa y,” tah ta. Cha khai tawhta cha, Elaisâh ta Elaizâh cha hmô khao vei. Chatawhcha Elaisâh cha a chysiazy la ta, hlai no ta hrie ta.

2 ABEIZY 6:21

Izarei bei ta âmo cha a hmôpa nahta, Elaisâh hnohta, “Ei pâ, ei thie aw ei ma? Ei thie aw ei ma?” tah ta.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MATHAI 23:10

Chhituhpa tahpa ta awpa châ hra aw veih ei chi. Chhituhpa cha pakha deita nama hnei. Krista cha nâmo chhituhpa a châ.

MATHAI 6:32

Zenitaizy ta cha hmo zydua cha ama tlua tyh. Cha zydua cha namâ ngiahpa a châ tahpa nama Paw vârâh liata a ypa ta a pahno.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

HMOTAOPAZY 22:1

Pawla ta, “Unawhzy nata pawzy saih u, tahmâ nama hnohta ei thaichâna bie ei rei awpa he nathlie teh u,” tah ta.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

HEBRAI 12:9

Cha dei châ vei, lei liata miah chhoreituhpa pawzy hnei pi ta, âmo cha eima za ngaita. Eima hroh thei nawpa ta, eima thlahpazy Paw cha, cha hlâta tha via ta eima za awpa châ vei ma?

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.