MATHAI 23:7 - Mara Bible RV (BSI)

⁷ sôdaohna su liata anaohna nata chyhsa ta pachutuhpa ama tahpa zy ama pasô ngaita.

MATHAI 23:7 ပူးပေါင်းရင်းမြစ်များ

MATHAI 11:16

“He chhâ he khâpa nata ma ei pakho aw tly? Hawtizy sôdaohna su liata a tyuh ei ta, ama viasazy ama awpa a lyu.

MATHAI 23:8

Nâmo deikua la, pachutuhpa tahpa ta bi awpa châ veih ei chi. Pachutuhpa cha pakha deita nama hnei. Nama zydua ta unawh sai nama châ.

MATHAI 26:25

A patusa awpa Zudâh ta a chhy ta, a hnohta, “Pachutuhpa, kei ei châ ma?” tah ta. Zisu ta, “Nâ ta na châpa na reih cha zaw,” tah ta.

MATHAI 26:49

Zisu cha thlai vaw pangai ta, a hnohta, “Ei châ naoh na, Pachutuhpa!” tah ta, Zisu cha a pahnâ ta.

MÂKA 10:51

Zisu ta a hnohta, “Khâpa cha taopa awpa ma na khoh?” tah ta. Mochaopa ta a hnohta, “Pachutuhpa, mo pavâ awpa ei khoh,” tah ta.

MÂKA 11:21

Pity ta a vaw thei ta, Zisu hnohta, “Pachutuhpa, moh tua! Theiku kô chhie na sapa kha a raoh ha huh,” tah ta.

MÂKA 12:38

A pachu lymâna liata hetana heta reih ta: “Ryhpa pachutuhpazy tawhta a vaih teh u. Âmo cha viahkao pasipazy a kypa ta, sôdaohna suzy liata anaohna hnabeiseih ei ta,

MÂKA 14:45

A vaw tlôpa nahta, Zisu cha thlai pangai ta, a hnohta, “Pachutuhpa!” tah ta, Zisu cha a pahnâ ta.

MÂKA 9:5

Pity ta Zisu hnohta, “Pachutuhpa, he liata ypa he eima châta a pha na. Byureih miathôh, nâma châta miakha, Mawsi châta miakha, Elaizâh châta miakha tu ei suh u,” tah ta.

LUKA 11:43

Nâmo, Phârisaihzy saih u, nama hu a po na! Pakhyna ozy liata dyuchhai pha chaipa nata sôhdaoh suzy liata anaohnazy a tlaichhai kawpa nama châ.

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 11:8

Pachupazy ta a hnohta, “Râbai, tahmâno he Zuzy ta alô ta vaw châ chhuah ngâ thlâh ha ei ta, cha lâ cha na sie heih aw ma?” tah ei ta.

ZAWHÂNA 20:16

Zisu ta a hnohta, “Mâri,” tah ta. Mâri cha a vaw heih ta, a hnohta Hebrai reih ta, “Râbawni!” tah ta, cha cha Pachutuhpa tahna a châ.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

ZAWHÂNA 3:26

Zawhâna lâ a vy ei ta, a hnohta, “Râbai, Zawdâh haosâ liata na hnohta a ypa, ano a pahnotuhpa na châpa nâ duakheipa kha, moh tua, chyhsazy bâti pachâsa ta, chyhsa zydua ta ano cha ama pangai lymâ,” tah ei ta.

ZAWHÂNA 4:31

Cha chhôh ta pachupazy ta Zisu cha pati nie awpa ta a haw ei ta, “Râbai, nie mah y,” tah ei ta.

ZAWHÂNA 6:25

Tipo haosâ liata ama kei hmô nahta, a hnohta, “Râbai, khatita helâ nâ vy?” tah ei ta.

ZAWHÂNA 9:2

A pachupazy ta a hnohta, “Râbai, he chyhsa mochaopa ta a pihpa he, ahy ma a molei tly, ano he ma, a nôpaw maw?” tahpa ta hiahri ei ta.