MATHAI 23:5 - Mara Bible RV (BSI)

⁵ Ama hmotaopa zydua chyhsa hmô awpa ta ama tao tyh. Ama ku liata amâ kypa nata ama khiriena zy paphia ei ta, ama poh pai pasisa ei ta,

MATHAI 23:5 ပူးပေါင်းရင်းမြစ်များ

2 ABEIZY 10:16

Zehu ta, “Ei hnohta vaw sie la, Abeipa châta phahnai ei ngiahzie vaw hmô tua mah y,” tah ta. Chatanachata a talailih liata pakiasa ta.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

THEIHTHAINA 13:32

A noh sarina noh ta, theihthaipa ta hri cha moh aw ta, pathapa hri cha kawh leipa sala, hmi maihpa y leipa ta, pathapa hri cha vo hlâta â thu via leipa khiahta cha,

MATHAI 9:20

Chanô pakha kô hrawh hleino thi lohpa ta tlâhleipa ta a hnôh lâta pazi ta, a poh pai hria ta,

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

ZAWHÂNA 12:43

Khazohpa reithaina hlao awpa hlâta, chyhsa reithaina hlao awpa ama khoh viapa vâta a châ.

ZAWHÂNA 5:44

Nâmo nata nâmo a reithai raihrie ei chi ta, Khazohpa hmeiseihpa a y chhôhpa tawhta â vypa reithaina hmâchhâh nama tlua vei khiahta cha, kheihta namâ ngiapâ thei aw?

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

RYHPACHANEINA 11:18

“Chavâta ei biezy he nama palôh nata nama pachâna liata khô aw ei chi ta, ngiana châta nama ku liata chahry aw ei chi ta, nama mo nata mo likawh liata khiriena ta a y awpa a châ.

RYHPACHANEINA 22:12

“Poh namâ bu awpa cha, a ki mia palih liata pala pai pachhaohpa ta nama chakhi awpa a châ.

RYHPACHANEINA 6:8

Ngiana châta nama ku liata chahry aw ei chi ta, khiriena ta nama mo nata mo likawh liata nama rie aw.

PHILIPI 1:15

Thokha cha hiatliana nata aiehkhyhna vâta Krista bie chho ei ta, thokha deikua cha thapasana vâta Krista bie ama chho.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.