MATHAI 23:3 - Mara Bible RV (BSI)

³ Chavâta ama cha chhopa maih cha tao u la, zyh lymâ teh u. Ama hmotaopa hawhta deikua tao hra khuh vy. Pachu ei ta, châhrasala hrokhei hlei veih ei.

MATHAI 23:3 ပူးပေါင်းရင်းမြစ်များ

2 THÂTIHZYRONA 30:12

Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

PUASAINA 18:23

Cha hawhta tao awpa ta Khazohpa ta bie cha pie ta, cha hawhta na tao khiahta cha, tlyuh aw chi ta, zawpi zydua chhao he, thlalôhpa ta ama o lâ amâ di thei aw,” tah ta.

MATHAI 21:30

Sawchapaw hropa lâ vawh ta, a hmiatuapa hnohta a chhopa hawhna khata kei chho ta. Ano ta a paw hnohta, ‘Y, ei zibeipa, ei sie aw,’ tah ta, châhrasala sie tlôh leipa ta.

MATHAI 23:2

“Ryhpa pachutuhpazy nata Phârisaihzy cha Mawsi dyuchhai liata a tyuhpa ama châ.

MATHAI 23:4

Phaohri ngaitapa tao ei ta, chyhsa ngiatlâh liata ama pahnieh tyh. Âmo deikua ta cha, ama ku paro ta chhao pasie khoh veih ei.

HMOTAOPAZY 5:29

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

RAWMA 13:1

Chyhsa to ta ama chô liata ryureituhpazy bie ama zyh awpa a châ. Khazohpa rao leipa ryureituhpa y veih ei. Ryureituhpazy cha Khazohpa raopa ama châ.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 5:27

Chavâta nâ ta a kei hnia la, Abeipa eima Khazohpa ta a rei awpa zydua nathlie mah y. Chatanachata Abeipa eima Khazohpa ta na hnohta a reipa zydua miah chho aw chi ta, nathlie aw pi ta, eima tao aw,’ nama tah.

2 TIMAWTHY 3:5

Khazohpa chyhsa hawhta a lâ aw ei ta, châhrasala a hmotaotheina deikua zo aw veih ei. Cha hawhpa chyhsazy cha a heihsai mah y.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.