MATHAI 23:26 - Mara Bible RV (BSI)

²⁶ Nâ, Phârisaih mochaopa, nyu nata beikoh zy kha a chhôh lâ pasi ha tua mah y. Chatanachata a chô lâ chhao a pathaih thei aw.

MATHAI 23:26 ပူးပေါင်းရင်းမြစ်များ

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

MATHAI 14:8

A nô ta a pasyupa hawhta, Herawda hnohta, “Bâtituhpa Zawhâna luh beikoh ta na vaw pie teh,” tah ta.

MÂKA 7:4

Chavâta sôhdaoh su tawhta o lâ amâ di tita, ama ngai amâ si ha tua leipa ta cha, pati nie veih ei. Taozietyhpa ama zyhpa hropa hluhpi y ta, nyuzy, beihzy, dawhbeihzy nata niena tlâhkhaizy pasinazie hawhpa taozietyhpa hluhpi ama chhypa a y hra.

LUKA 11:39

Abeipa ta a hnohta, “Nâmo, Phârisaihzy ta cha nyu nata beikoh zy a chô lâ pasi tyh ei chi ta, nama chhôh lâ deikua cha karâyna nata moleina ta a bie.

LUKA 6:45

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.