MATHAI 23:13 - Mara Bible RV (BSI)

¹³ “Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:13 ပူးပေါင်းရင်းမြစ်များ

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

MATHAI 23:16

“‘Chyhsa ta Achhyna o reipa ta bie â taih khiahta cha, a bietai ta chahry leipa ta, chyhsa ta Achhyna o liata ngôh reipa ta bie â taih khiahta deikua cha, a bietai ta a chahry,’ a tahtuhpa nâmo, chhituhpa mochaopazy saih u, nama hu a po na!

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

MATHAI 23:25

“Nâmo, ryhpa pachutuhpa nata Phârisaih phapakheipazy saih u, nama hu a po na! Nyu nata beikoh zy a chô lâ pasi ei chi ta, a chhôh lâ deikua cha, karâhneina nata asohsi thei leina ta a bie.

MATHAI 23:27

“Nâmo, ryhpa pachutuhpa nata Phârisaih phapakheipazy saih u, nama hu a po na! Hlyu râhpa hniapa thlâ, a chô lâ a ngia ngaitapa ta a lâ ta, a chhôh lâ deikua cha athipa rureih nata pathaih leipa to ta a biepa nata namâ lyu.

MATHAI 23:29

“Nâmo, Ryhpa pachutuhpa nata Phârisaih phapakheipazy saih u, nama hu a po na! Hrohsopazy thlâ o sapa ta, chyhsa siapa thlâzy tobi ei chi ta,

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

LUKA 11:52

Nâmo, dâhthaipazy saih u, nama hu a po na! Pahnona châhbi la ei chi ta, châhrasala nâmo a ngia tlôh leipa ei chi ta, mohropa a ngia awpazy nama pakhâ khai haw,” tah ta.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

ZAWHÂNA 9:24

Chatanachata mochaopa cha a ei nona ta aw heih ei ta, a hnohta, “Khazohpa reithai teh. Kha chyhsa kha moleipa a châ tahpa eima pahno,” tah ei ta.

ZAWHÂNA 9:34

Âmo ta a chhy ei ta, “Nâ, moleipa ta a pihpa heta miah na pachu bao hra ma?” tah ei ta. Chatanachata ano cha papua ha ei ta.

HMOTAOPAZY 13:8

Châhrasala dyuthaipa Elaimâ ta râhvaotuhpa cha ngiapâna patleisa a chhuahpa ta, Bânabâ nata Sawla cha pakhâpadie ta. Elaimâ cha dyuthaipa tahna a châ.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 5:40

A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw.

HMOTAOPAZY 8:1

Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.

2 TIMAWTHY 3:8

Zane nata Zambare ta Mawsi amâ dyuhpa hawhna khata, cha chyhsazy ta biehmeiseihpa amâ dyuh tyh. Palôh moleipa, ngiapâna kyh liata tloh leipa ama châ.

2 TIMAWTHY 4:15

Nâ chhao ano tawhta a vaih mah y, eima biereipa thata a dyuhtuhpa a châ.