MATHAI 23:12 - Mara Bible RV (BSI)

¹² Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw.

MATHAI 23:12 ပူးပေါင်းရင်းမြစ်များ

ZAWBÂ 22:29

Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

BIESOZY 15:33

Abeipa china cha sona pachuna châ ta, Palyupalihna to awpa ta a reisi tua awpa a byuh.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

MATHAI 18:4

He hawti hawhta areisipa cha vârâh khinarâh liata a rônah chai aw.

MATHAI 5:3

“Thlahpa sipasapazy ama nohlao na, vârâh khinarâh ama eih a châpa vâta.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.