MATHAI 22:4 - Mara Bible RV (BSI)

⁴ Chakaotuhpa hropazy tuah heih ta, ama hnohta, ‘Hruapazy hnohta kei chho u la, “Kyhchhi cha â mâ haw, ei viahchao tôhpazy nata ei sahroh thawhpazy thie na ta, ato â mâ haw, kialao nie awpa ta a vy teh u,” tahpa ta kei chho teh u,’ tah ta.

MATHAI 22:4 ပူးပေါင်းရင်းမြစ်များ

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

BIESOZY 15:17

Ahaona chôta viahchao tôhpa thawhpa sa niepa hlâta cha, Kyhpachâna chôta âhna pati niepa a pha via.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

MATHAI 21:36

A hmiatuapa hlâta hluh viapa ta chakaotuhpa hropazy tuah heih ta. Âmo chhao cha hmiatuapazy ama taopa hawhna khata vaw tao heih ei ta.

MATHAI 22:5

Châhrasala vaw uasa leipa ei ta, tlao sie ha ei ta, pakha a lyu lâ sie ta, ahropa a sôdaohna lâ sie ta.

MATHAI 22:8

Chatawhcha a chakaotuhpazy hnohta, ‘Kialao â mâ haw, hruapazy deikua cha a nie tlâh châ veih ei.

LUKA 14:17

Nie daihti a châ nahta, a hruapazy hnohta, ‘A vy teh u, tahmâ ato â mâ haw,’ tah awpa ta a chakaotuhpa tuah ta.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?