MATHAI 22:16 - Mara Bible RV (BSI)

¹⁶ Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 22:16 ပူးပေါင်းရင်းမြစ်များ

1 ABEIZY 22:14

Châhrasala Mikai ta, “Abeipa hrona reipa ta ei reih, Abeipa ta ei hnohta a reipa deita ei reih aw,” tah ta.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 5:9

Ama pakah liata ngâchhihna y leipa ta, Ama palôh cha paraona ta a bie. Ama rao cha thlâ a pahypa châ ta, Ama paleih ta hmiahmô ama châ tyh.

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

BIESOZY 29:5

A vaih a reithai pakheipa cha, A phei sao â parai khâhpa a châ.

MALAKHAI 2:6

“Ryhpa dopa a pakah liata y ta, Biedoleipa a hmao liata y vei. Thlalôhna nata adona ta na sielâh tyh ta, Chyhsa hluhpi moleina tawhta a pakuasa ei.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

MATHAI 22:24

a hnohta, “Pachutuhpa, Mawsi ta, ‘Chyhsa ta saw hnei leipa ta thi sala, a unawhpa ta a lapinô cha hnei aw ta, a unawhpa châta chi a pathla awpa a châ,’ tah ta.

MATHAI 22:26

A panona nata a pathôhna chhao ta saw hnei leipa ta thi ha hra ei ta, a pasarina taihta cha hawhta châ ta.

MATHAI 26:18

Zisu ta, “Khihpi liata chyhsa pakha lâ vawh u la, a hnohta, ‘Pachutuhpa ta ei daihti a hnia ha ta, ei pachupazy chhaota zawpakhô kyhchhi na o liata eima hmâh aw a tah,’ kei tah muh vy,” tah ta.

MATHAI 26:49

Zisu cha thlai vaw pangai ta, a hnohta, “Ei châ naoh na, Pachutuhpa!” tah ta, Zisu cha a pahnâ ta.

MÂKA 10:17

Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

MÂKA 12:13

A bie reipa liata patu a chhuahpa ta, Phârisaihzy nata Herawda py liata chyhsa thokha Zisu lâ tuah ei ta.

MÂKA 12:14

A kô ama tlô nahta, a hnohta, “Pachutuhpa, chyhsa dopa châ chi ta, ahy pachâna hmahta a papeisa va chi tahpa eima pahno. Chyhsapa alânazie ta cha pahnie leipa ta, hmeiseihna kyh ta Khazohpa lâpi na pachu tyh. Kaisarâ lâ chhie piepa he ryhpa ta a pasaih ma, pasaih vei?

MÂKA 3:6

Phârisaihzy cha pua ei ta, ano ama thie thei nawpa pachâpa ta, Herawda pyzy nata thlai a chhohia ei ta.

MÂKA 8:15

Zisu ta pachupazy cha zikyu a râ ta, ama hnohta, “A hrohrua u la, Phârisaihzy thinô nata Herawda thinô tawhta a vaih teh u,” tah ta.

LUKA 20:21

Zisu cha bie hiahri ei ta, “Pachutuhpa, thlua hlei hnei leipa ta, âdopa ta bie reipa ta pachu chi ta, hmeiseihna kyh ta Khazohpa lâpi na pachu tyh tahpa eima pahno.

LUKA 7:40

Zisu ta a chhy ta, a hnohta, “Saimaw, na hnohta bie rei awpa ei hnei,” tah ta. Saimaw ta, “Pachutuhpa, reih mah y” tah ta.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

KALATIA 2:6

Chyhsa peimawhpa hawhta a lâpazy he, ama châna vâta kei liata ananona y hlei vei. Khazohpa cha khôtho lâ alânazie ta pachia vei. Chyhsa peimawhpa hawhta a lâpazy heta na phahnaikhei hlei veih ei.

RYHPACHANEINA 33:9

Na bie a ngiah ta, Na biehrai a zyhpa vâta, A nô nata a paw kyh liata, ‘Pachâ veih ei na’ tah ta; A unawhzy pahno leipa ta, A sawzy tlai chhao uasa vei.

1 THYSALAWNIKA 2:4

Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.