MATHAI 22:15 - Mara Bible RV (BSI)

¹⁵ Phârisaihzy cha pua ei ta, a bie reipa liata ama paao thei nawpa ta a byh ei ta.

MATHAI 22:15 ပူးပေါင်းရင်းမြစ်များ

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 41:6

Nâ hmô awpa ta a vypazy ta bie thuthâ leipa sai reih ei ta, Ama palôh ta moleina pachôpakhy ei ta, Pua ei ta, ama pathâhsa tyh.

HLAZY 57:6

Ei sie nawpazy liata sao na parai khâh ei ta, Ei hro ta a ngiaroh ngaita. Ei lâpi liata khaohtlô na chao khâh ei ta, Âmo ta tlao ama tla tyh. Selah

HLAZY 59:3

Hy Abeipa, moh tua, Ei hrona a byh ei ta, Thatlôpazy ta eina tei ei. Ei paraona vâta châ leipa ta, Ei moleina vâta châ hra vei.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

MATHAI 12:14

Phârisaihzy deikua cha pua ei ta, ano ama pahleipadia thei nawpa ta bie a pachia ei ta.

1 KAWRINI 7:35

Cha hmo cha nama phana awpa ta ei reipa a châ. Pakhâ ei châ chhuahpa ei châ leipa ta, â dopa ta y u la, Abeipa chakao awpa ta palôh tlokhuh ta namâ pie thei nawpa ta ei reih.

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.