MATHAI 22:10 - Mara Bible RV (BSI)

¹⁰ Chakaotuhpazy cha lâlaizy lâta pua ei ta, ama hmôpa maih, chyhsa chhiepa chhao, chyhsa phapa chhao pakhy ei ta, ahneina o cha kyhchhi a hlaopazy ta bie ha ei ta.

MATHAI 22:10 ပူးပေါင်းရင်းမြစ်များ

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MATHAI 22:9

Chavâta lâlaizy lâta pua u la, nama hmôpa maih kialao nie awpa ta kei hrua teh u,’ tah ta.

MATHAI 25:10

Chalei awpa ta ama vawh chhôh ta myuhneituhpa cha vaw tlô ha ta, a mâ chiehpazy cha ano nata kialao nie awpa ta a ngia ei ta, ochhi khaw ha ei ta.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

2 KAWRINI 12:21

Ei vy heih tita, ei Khazohpa ta nama hmiakô liata na panawh aw ta, pualeina, apatlana nata parâna moleinazy liata a vaw tlaih tyhpazy ama ro leipa vâta, ei palôh thata a pasa heih aw tahpa ei ngiaroh ngaita.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 7:9

Cha hnôhlâ ta kaw moh na ta, râh to, chi to, phopi to nata reih to tawhta zawpi hluh ngaitapa, ahy hmahta rei tiah leipazy cha poh diehpa a bupa nata thiahrâ kuah chabapa ta, beidyuchhai hmiakô liata nata Mietakutaw hmiakô liata amâ duapa hmô na ta.