MATHAI 21:6 - Mara Bible RV (BSI)

⁶ Pachupazy cha vawh ei ta, Zisu ta a chhopa hawhta tao ei ta.

MATHAI 21:6 ပူးပေါင်းရင်းမြစ်များ

ÂTHAONA 12:4

Abarâ cha Abeipa reipa hawhta sie ta, Lawta chhao a hnohta sie hra ta. Abarâ cha Harânâ khih a puasai nota kô 75 uhtheipa a châ.

ÂTHAONA 6:22

Cha hawhna chata Nôah ta tao ta, Khazohpa biepiepa zydua hawhta ato tao khai ta.

PUASAINA 39:43

Mawsi ta raihria zydua cha moh ta, Abeipa biepiepa hawhta paloh khaipa a châpa hmô ta, chatanachata Mawsi ta âmo cha byhnâ a awpa ei.

PUASAINA 40:16

Cha hawhna chata Mawsi ta tao ta, Abeipa ta tao awpa ta bie a piepa zydua hawhta tao khai ta.

EZEKIA 12:7

Bie eina piepa hawhta tao na ta. Ei hmo cha seichâna lâ a sie awpa hmo hawhta, nohchhô sawhvaw ta puakhei na ta, zâlâ ta keima ku tlai ta thokhy khaoh khie na ta, ei hmo cha ei ngiatlâh liata khaipa ta, ama mohmô lia tlai ta a zoh chhyhma ta ei puakhei.

MATHAI 21:5

“Zaio sawchanô hnohta chho teh u, ‘Moh teh, na beipa cha nâ lâta â vy hai; Areisipa châ ta, Alâ kiah ta, Alâ taw kiahpa ta â vy huh,’” tahpa ta a reipa kha a vaw tlô thei nawpa ta a châ.

MATHAI 21:7

Alâ nata a taw cha a vaw chhi ei ta, ama pohzy ta a ky padia ei ta, Zisu ta alâ cha kiah ta.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.