MATHAI 21:15 - Mara Bible RV (BSI)

¹⁵ Hmonoâhpa a taopazy nata hawtipazy ta Achhyna o liata, “Dâvi Sawchapawpa hnohta Haozanâ!” tahpa ta ama awhpa cha, theihthai beizy nata Ryhpa pachutuhpazy taama hmô nahta, ama palôh châ lei kaw ta,

MATHAI 21:15 ပူးပေါင်းရင်းမြစ်များ

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

MATHAI 20:24

Pahrawhzy ta cha thâtih cha ama thei nahta, unawh panozy chô liata ama palôh châ lei kaw ta.

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MATHAI 22:42

“Mesia cha kheihta nama pachâ? Ahy sawchapawpa ma a châ?” tah ta. Âmo ta a hnohta, “Dâvi Sawchapawpa,” tah ei ta.

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

MATHAI 26:59

Zisu ama thie thei nawpa ta, theihthai beizy nata ryureituhpa zydua ta haipa ta ano leih nawpa tlua ei ta.

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

MATHAI 27:20

Theihthai beizy nata machâzy ta Bârabâ papua awpa ta hiah ei ta, Zisu cha pahleipadia awpa ta zawpi pasyu ei ta.

MATHAI 9:27

Cha su tawhta Zisu cha sie lymâ ta, mochaopa pano ta ano pazi ei ta, “Dâvi Sawchapawpa, miah ngiachhie teh,” tahpa ta ao paro ngaitapa ta awh ei ta.

MÂKA 11:18

Theihthai beizy nata ryhpa pachutuhpazy ta cha bie cha thei ei ta. Zawpi zydua ta a pachuna noâh ama tah ngaitapa vâta, Zisu cha chi ei ta, ama pahleipadia thei nawpa lâpi tlua ei ta.

LUKA 20:1

Noh kha cha Zisu ta Achhyna o liata zawpi pachu ta, thâtihpha a rei hai nota, theihthai beizy nata ryhpa pachutuhpazy cha machâzy chhaota a vy ei ta,

LUKA 22:2

Zawpi ama chipa vâta, theihthai beizy nata ryhpa pachutuhpazy ta arulâta Zisu cha tei ta, thie thei nawpa lâpi tlua ei ta.

LUKA 22:66

Khih a pavâpa nahta, phopi machâzy a hmaohpakhy ei ta, theihthai beizy nata ryhpa pachutuhpazy chhao y hra ei ta. Zisu cha ama ryureina lâ a chhi ei ta, a hnohta,

ZAWHÂNA 11:57

Zisu ama patu thei nawpa ta, a yna su a pahnopa maihta âmo chho awpa ta, theihthai beizy nata Phârisaihzy ta biepiepa ama vaw papua hapa a châ.

ZAWHÂNA 12:19

Phârisaihzy cha a chhohia ei ta, “Pahno teh u, khâpa hmah tao thei veih ei chi. Moh teh u, khizaw ta ano ama zi ha hih,” tah ei ta.

ZAWHÂNA 4:1

Zisu ta Zawhâna hlâta pachupa hluh via tao ta, bâti chhao a pachâsa hluh viapa kyh Phârisaihzy ta ama thei tahpa Zisu ta pahno ta.

ZAWHÂNA 7:42

Mesia cha Dâvi pathla hry tawhta, Dâvi yna khih Bethlehe tawhta a vaw pua awpa a châ, tahpa ta Biehrai ta reih vei ma?” tah ei ta.