MATHAI 21:11 - Mara Bible RV (BSI)

¹¹ Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MATHAI 21:11 ပူးပေါင်းရင်းမြစ်များ

MATHAI 2:23

Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 21:10

Zerusale â ngia nahta, a thâtih ta khihpi zydua chalyu ta, “He chyhsa he ahy ma a châ tly?” tah ei ta.

MATHAI 21:26

‘Chyhsapa tawhta,’ tah mawh sih la, zawpi chi tlôh pi, chyhsa zydua ta Zawhâna kha hrohsopa ta ama pachâ khaipa châ tlôh,” tah ei ta.

MATHAI 21:46

Zisu cha patu a chhuah ei ta, châhrasala zawpi pachâ ta hrohsopa hawhta ama hmôpa vâta, zawpi chipa ta patu ngâh leipa ei ta.

MÂKA 6:15

Ahropazy ta, “Elaizâh a châ,” tah ei ta. Ahropazy heih ta, “Hrohsopa na a châ, hrohsopa parohpa hry liata pakha a lyu,” tah ei ta.

LUKA 13:33

Chatahrasala, tanoh chhao, mylâ chhao, hânoh chhao ei sie lymâ aw, hrohsopa cha Zerusale khihpi lia dei leipa ta cha, khôtho lâ thie theipa châ vei.’

LUKA 24:19

Ano ta ama hnohta, “Khâpa hmozy maw?” tah ta. Âmo ta a hnohta, “Nâzari Zisu, Khazohpa nata chyhsa zydua mohmô liata bie nata hmotaopa liata hrohsopa thatlô ngaitapa thâtih a châ.

LUKA 7:16

Ama zydua ta chi ngaita ei ta, Khazohpa reithai ei ta, “Eima hry liata hrohsopa rônahpa a vaw pua hih! Khazohpa ta a chyhsazy a vaw tly ha hih!” tah ei ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

ZAWHÂNA 1:21

Âmo ta, “Cha khiahta la, ‘Ahy na châ? Elaizâh na châ ma?’ tah ei ta. Ano ta ‘Châ va na,’ tah ta. ‘Hrohsopa na châ ma?’ tah ei ta. Ano ta, ‘Châ va na,’” tah ta.

ZAWHÂNA 1:25

Âmo ta a hnohta, “Mesia tlyma, Elaizâh tlyma, hrohsopa tlyma na châ tlôh leipa khiahta cha, khazia chyhsazy bâti na pachâsa ei?” tah ei ta.

ZAWHÂNA 4:19

Chanô ta a hnohta, “Pâpuh, hrohsopa na châ tahpa ei pahno haw.

ZAWHÂNA 6:14

Zawpizy ta hmonoâhpa a taopa ama hmô nahta, “He chyhsa he khizaw lâ a vy awpa Hrohsopa a châ tlai hih!” tah ei ta.

ZAWHÂNA 7:40

Cha biezy cha ama thei nahta, zawpi hry liata thokha ta, “He chyhsa he hrohsopa a châ tlai hih,” tah ei ta.

ZAWHÂNA 9:17

Mochaopa hnohta, “Na mo a pavâsatuhpa cha, kheihawhpa chyhsa ta ma na pachâ?” tah heih ei ta. Ano ta, “Hrohsopa a châ,” tah ta.

HMOTAOPAZY 7:37

Cha Mawsi cha Izarei sawzy hnohta, ‘Khazohpa ta keima hawhpa hrohsopa he nama unawhzy tawhta a cha paduapa aw ei,’ a tahtuhpa kha a châ.