MATHAI 20:8 - Mara Bible RV (BSI)

⁸ A vaw zâlâ nahta, kre sadô hneituhpa ta raihria mohôhtuhpa hnohta, ‘Hriatuhpazy aw la, ama hria hlao pie teh, a hnôh chaipa tawhta a thaopa ta a hmiatua chaipa taihta na pie aw ei,’ tah ta.

MATHAI 20:8 ပူးပေါင်းရင်းမြစ်များ

ÂTHAONA 15:2

Châhrasala Abarâ ta, “Hy Abeipa Zehôvâh, khâpa eina pie aw chi, saw leipa châ na ta, ei ryu a to awpa cha Dâmaskâ khihpa Elieze a châ?” tah ta.

ÂTHAONA 43:19

Zawsi o avaotuhpa kiapâh lâ vawh ei ta, chhikao thaby liata bie a chho ei ta,

THEIHTHAINA 19:13

“Na vaih na tlybai awpa châ leipa ta, ano cha na hrao awpa châ vei. Raihriatuhpazy hlao pie leipa ta, azozâkhihdei nâ vao awpa châ vei.

MATHAI 20:7

Âmo ta a hnohta, ‘Ahy hmahta rai hria awpa miah ama pie leipa vâta a châ,’ tah ei ta. Ano ta ama hnohta, ‘Nâmo chhao kre sadô lâ sie hra teh u,’ tah ta.

MATHAI 20:9

Dawh pangawhpa tawhta a pahriasapazy amâ vy nahta, dinâri miakha sai hmô ei ta.

MATHAI 25:19

Bohpi a châ tawhta, chakaotuhpazy zibeipa cha vaw tlô ta, a sôh a pavaosapazy pasia ta.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

LUKA 10:7

Cha o liata y u la, ama cha piepa maih niepa ta doh muh vy. Raihriatuhpa cha hlao hmô tlâh a châ. O kha tawhta o hro lâ namâ pasie awpa châ vei.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 8:3

Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

RYHPACHANEINA 24:15

Dyhchhiepa châ ei ta, ama noh hlao cha amâ ngâchhâ chhôhpa a châpa vâta, ama hria noh lia tlai ta, noh tla hlâta ama hria hlao nama pie lymâ awpa a châ. Chataleipatala nama chô liata ama palôh tlâh leina Abeipa lâ tlôkhei aw ei ta, moleina vâta thailei nama châ pathlei aw.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.

RUTHI 2:6

Sâh hriatuhpazy hyutuhpa ta a chhy ta, “Môabâ laihsa, Môabâ râh tawhta Naomi hnohta â vypa a châ.