MATHAI 20:34 - Mara Bible RV (BSI)

³⁴ Zisu ta âmo cha ngiachhie kaw ta. Chatanachata ama mozy cha hria ta, thlai hmô thei ha ei ta, Zisu cha ama zi pâ haw.

MATHAI 20:34 ပူးပေါင်းရင်းမြစ်များ

HLAZY 119:67

Pasa pataosapa ei châ hlâ tawh chhao ta, Cha tleisai ha na ta; Tahmâ deikua cha na bie ei zyh lymâ.

HLAZY 119:71

Na bieraopazy ei chu thei nawpa ta, Riepatheipa ta ei vaw ypa kha kei châta a pha na.

HLAZY 145:8

Abeipa cha ngiachhiena nata zawngiahna a hneipa châ ta, Hiehâhna kyh liata nainô sôpa châ ta, Kyhpachâna tleih beih leipa ta a biepa a châ.

MATHAI 14:14

Ngiahkâ lâ a pua nahta, zawpi hluhpi hmô ta, âmo cha a thapasa ngaita ta, ama hry liata tlâhleipazy patlâh ta.

MATHAI 15:32

Zisu ta a pachupazy aw ta, ama hnohta, “Zawpizy he tahmâ noh thôh tlai ei hnohta y ha ei ta, nie awpa khâpa hmah ama hnei leipa vâta, ei ngia eina chhie ngaita ei. Nodipa ta âmo pasiesa awpa hra cha, lâpi liata ama panao pathlei awpa vâta khoh leipa na ta,” tah ta.

MATHAI 20:33

Âmo ta a hnohta, “Abeipa, eima mo pavâ awpa eima khoh,” tah ei ta.

MATHAI 21:1

Zerusale amâ hnia nahta, Ôli tlâh liata Bethaphâ khih lâ vawh ei ta. Zisu ta pachupa pano tuah ta,

MATHAI 8:15

A ku hria ta, a chasipa cha pai ha ta, thyu ta Zisu cha chakao pâ ha ta.

MATHAI 9:29

Ama mo cha hria ta, ama hnohta, “Namâ ngiapâna hawhta nama chô liata vaw tlô mawh sy,” tah ta.

MATHAI 9:36

Zawpizy a hmô nahta, vaituhpa hnei leipa mietakuzy hawhta, nôpopa nata baotuhpa hnei leipa ta ama ypa vâta, âmo cha a thapasa ngaita ta.

MÂKA 7:33

Zawpi hry tawhta ânano ta a chhi ta, a kuparozy ta a nakhaohzy cha hria ta, a pachih ta pachhao ta, a paleih hria ta.

LUKA 18:43

A mo thlai vaw pavâ ha ta, Khazohpa reithaina chôta Zisu cha zi ha ta. Cha cha chyhsa zydua ta ama hmô nahta, Khazohpa reithai ei ta.

LUKA 22:51

Zisu ta, “Â daih,” tah ta. A nakao cha hria ta, patlâh ta.

LUKA 7:13

Abeipa ta nôhmei cha a hmô nahta, a chô liata a thapasa ngaita ta, a hnohta, “Cha khah y,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.