MATHAI 20:21 - Mara Bible RV (BSI)

²¹ Zisu ta a hnohta, “Khâpa na khoh?” tah ta. Ano ta Zisu hnohta, “Ei sawchapaw pano he, na khinarâh liata na chachâh lâ pakha, na chavei lâ pakha amâ tyuh thei nawpa ta biepie mah y,” tah ta.

MATHAI 20:21 ပူးပေါင်းရင်းမြစ်များ

1 ABEIZY 2:19

Bâsebâ cha Adôniza hmo hiapa chhopa awpa ta Bei Sawlawmaw lâ vawh ta. Abei cha kaw thyu ta, a nô cha a vaw ly ta, a hmiakô liata a bôh ta. A beidyuchhai liata a tyuh heih ta, abei nô châta dyuchhai palasa ta, Bâsebâ cha abei chachâh lâta a tyuh ta.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

ESTHERI 5:3

Abei ta a hnohta, “Khâpa bie rimâ maw, Beinô Estheri? Khâpa na hia khoh? Na hiapa cha piepa na châ aw, ei khinarâh khophie chhao ei cha pie aw,” tah ta.

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 45:9

Chanô zachhihpazy hry liata, Abei sawchanôzy a hlao hra ei ta; Na chachâh lâta beinô a duah ta, Ôphi ngôh ta â tobi.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

MATHAI 18:1

Cha nota pachupazy Zisu lâ a vy ei ta, a hnohta, “Vârâh khinarâh liata ahy ma a rônah chai aw?” tah ei ta.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 20:22

Zisu ta âmo cha a chhy ta, “Nama hiapa pahno veih ei chi. Ei nyu do awpa nama doh thei aw ma?” tah ta. Âmo ta, “Eima doh thei aw,” tah ei ta.

MATHAI 20:32

Zisu cha a duah ta, âmo cha aw ta, ama hnohta, “Khâpa cha taopa awpa ma nama khoh?” tah ta.

MÂKA 10:51

Zisu ta a hnohta, “Khâpa cha taopa awpa ma na khoh?” tah ta. Mochaopa ta a hnohta, “Pachutuhpa, mo pavâ awpa ei khoh,” tah ta.

MÂKA 16:19

Chatanachata Abeipa Zisu cha ama hnohta bie a reih khai nahta, vârâh lâ a chhipa ta y ta, Khazohpa chachâh lâta a kaw tyuh ha ta.

MÂKA 6:22

Herawdi sawchanônô a vaw ngia ta, lâh ta, Herawda nata a hnohta a tyuhpazy cha palysa ngaita ta. Abei ta laihsa hnohta, “Na khopa maih na hiah teh, ei cha pie aw,” tah ta.

LUKA 18:41

“Khâpa cha taopa awpa ma na khoh?” tah ta. Ano ta, “Abeipa y, mo pavâ awpa ei khoh,” tah ta.

LUKA 19:11

Cha biezy cha ama nathlie hai nota, Zerusale khih â hnia hapa vâta nata Khazohpa khinarâh thlai â vaw luah awpa ama pangiasapa vâta, zawpi hnohta pakhona bie reih ta.

LUKA 22:24

Ama hry liata ahy ma rônah chaipa ta pachâ awpa a châ tahpa kyh liata, pachupazy hry liata a eichhiana vaw pua ta.

ZAWHÂNA 15:7

Keima liata y thlâh ha u la, ei bie nâmo liata a y thlâh ha khiahta cha, nama khopa maih hiah teh u, nama châta taopa a châ aw.

HMOTAOPAZY 1:6

Amâ vaw pakhy nahta, âmo ta a hnohta, “Abeipa, tahmâ he ma Izarei châta khinarâh na padua heih aw?” tahpa ta hiahri ei ta.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

RAWMA 8:34

Ahy ma thailei a pachâsa aw? A thipa cha Krista Zisu châ tlôh ta. Cha dei châ vei, ano cha pathyupa ta y ta, Khazohpa chachâh lâta ypa ta, miah reikheituhpa a châ.

KAOLAOSÂ 3:1

Krista hnohta pathyupa nama châ ha tawhta cha, Khazohpa chachâh lâta a tyuhpa Krista yna liata chô lâ hmozy tlua teh u.