MATHAI 2:4 - Mara Bible RV (BSI)

⁴ Theihthai beichaipazy nata ryhpa pachutuhpa zydua awpakhy ta, Mesia pina awpa cha khataih liata a châ tahpa ta âmo hiahri ta.

MATHAI 2:4 ပူးပေါင်းရင်းမြစ်များ

2 THÂTIHZYRONA 34:13

hmo phaohtuhpazy nata raihria nanopazy liata hriatuhpa zydua mohôhtuhpa châta raopa ama châ. Livai pathla thokha cha chârohtuhpazy nata beimachâzy nata chhikao vaituhpazy ama châ.

2 THÂTIHZYRONA 34:15

Hikia ta chârohtuhpa Sâphâ hnohta, “Ryhpa Châbu kha Abeipa o liata ei hmô haw,” tah ta. Hikia ta châbu cha Sâphâ pie ta.

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

EZRÂ 10:5

Ezrâ cha thyu ta, theihthaipa pawhrâh viapazy, Livai pathlazy nata Izarei saw zydua cha, cha bie hawhta tao awpa ta bie pataihsa ta. Chatanachata bie a taih ei ta.

EZRÂ 7:6

Ezrâ cha chârohtuhpa châ ta, Abeipa Izarei Khazohpa piepa Mawsi Ryhpa a thai ngaitapa a châ. Abeipa a Khazohpa ku a chô liata a ypa vâta, a hiapa maih abei ta a pie lymâ.

NEHEMIAH 12:7

Salu, Amô, Hikia nata Zediah zy châ ei ta, âmo cha Zesua hro chhôh ta theihthaipazy nata ama unawhzy hry liata hyutuhpazy ama châ.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MATHAI 13:52

Zisu ta ama hnohta, “Chavâta vârâh khinarâh châta pachusapa ryhpa pachutuhpa maih cha, o hneituhpa ta a ryubyh tawhta hmo thiehpa nata hmo parohpa a thao papuapa hawhta a châ,” tah ta.

MATHAI 2:3

Cha bie cha Bei Herawda ta a thei nahta, ano nata Zerusale liata chyhsa zydua cha ama nôpo kaw ta.

MATHAI 2:5

Âmo ta, “Zudia râh Bethlehe liata a châ. Hrohsopa ta,

MATHAI 21:15

Hmonoâhpa a taopazy nata hawtipazy ta Achhyna o liata, “Dâvi Sawchapawpa hnohta Haozanâ!” tahpa ta ama awhpa cha, theihthai beizy nata Ryhpa pachutuhpazy taama hmô nahta, ama palôh châ lei kaw ta,

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

MATHAI 26:3

Cha nota Theihthai Beichaipa Kaiphâ ama tahpa o liata theihthai beizy nata khitlâh machâzy a hmaoh ei ta,

MATHAI 26:47

A rei hai nota, pahrawh hleino hry liata pakha, Zudâh cha a vy ta, zawpi hluhpi chhao zaozi nata thothuzy a chabapa ta a hnohta a vy ei ta. Theihthai beizy nata khitlâh machâzy taihta a hlao ei ta.

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

MATHAI 7:29

Ryhpa pachutuhpazy hawhta châ leipa ta, biehneina a hneipa hawhta a pachupa vâta a châ.

MÂKA 8:31

Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta.

LUKA 20:19

Cha nona tlai chata ryhpa pachutuhpazy nata theihthai beizy ta, cha pakhona bie cha âmo a rei chakiana bie a châ tahpa pahno ei ta, chavâta patu a chhuah ei ta, châhrasala zawpi chi ei ta.

LUKA 23:10

Theihthai beizy nata ryhpa pachutuhpazy a duah ei ta, thata leih ei ta.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

ZAWHÂNA 3:10

Zisu ta a chhy ta, “Izarei pachutuhpa châ chi ta, chazy chhao cha pahno thai va chi ma?

ZAWHÂNA 7:32

Zisu kyh liata zawpi a chiaburâhpa cha Phârisaihzy ta thei ei ta, chatanachata theihthai beizy nata Phârisaihzy ta Zisu patu awpa ta vaituhpazy tuah ei ta.

ZAWHÂNA 8:3

Ryhpa pachutuhpazy nata Phârisaihzy ta chanô pakha â phei hai nota ama patupa a vaw chhi ei ta, a liah liata paduasa ei ta.

HMOTAOPAZY 23:9

Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

HMOTAOPAZY 4:5

A mylâ ta ama ryureituhpazy, machâzy nata ryhpa pachutuhpazy cha Zerusale liata a hmaohpakhy ei ta.

HMOTAOPAZY 6:12

Zawpizy, machâzy nata ryhpa pachutuhpazy pasyu ei ta, Stiphana cha tei ei ta, patupa ta, ryureina hmiakô liata a vaw chhi ei ta.