MATHAI 2:23 - Mara Bible RV (BSI)

²³ Khihpi miakha, Nâzari ama tahpa lâ sie ta, cha liata kei pahrâ ta. Cha hmo cha, “Ano cha Nâzari chyhsa ama tah aw,” tahpa ta hrohsopazy pakah ta ama reipa kha a vaw tlô thei nawpa ta a châ.

MATHAI 2:23 ပူးပေါင်းရင်းမြစ်များ

MALUHREINA 6:13

“He he Nâzarai chyhsa châta ryhpa, â pananona noh â ki tita tao awpa a châ. Ahmaohna poh o chhikao liata a chhipa châ aw ta,

MATHAI 1:22

Cha hmo zydua cha Abeipa ta hrohsopa pakah hmâpa ta,

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

MATHAI 26:71

Pua awpa ta tlyhmia chhikao lâ a vaw hai nota, laihsa hropa ta vaw hmô ta, cha liata a ypazy hnohta, “He chyhsa he Nâzari chyhsa Zisu hnohta a ypa a châ,” tah ta.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

MÂKA 1:9

Cha nohzy liata, Zisu cha Kâlili râh Nâzari khih tawhta a vy ta, Zawdâh chavah liata Zawhâna ta bâti pachâsa ta.

LUKA 1:26

A thla charuna liata, Khazohpa ta vâlyuhchâpa Kabriel cha Kâlili râh liata khihpi miakha, Nâzari ama tahpa liata a ypa,

LUKA 18:37

Chyhsazy ta, “Nâzari Zisu a vaw sie hai,” tah ei ta.

LUKA 2:39

Abeipa ryhpa bie hawhta hmo to zydua ama tao khai tawhta, Kâlili râh liata ama khih Nâzari lâ a lie ei ta.

ZAWHÂNA 18:5

Âmo ta a chhy ei ta, “Nâzari Zisu,” tah ei ta. Zisu ta ama hnohta, “Keima he ei châ,” tah ta. A patusatuhpa Zudâh cha ama hry liata a duah ta.

ZAWHÂNA 18:7

Zisu ta, “Ahy nama tlua?” tahpa ta âmo cha hiahri chanei ta. Âmo ta, “Nâzari Zisu,” tah ei ta.

ZAWHÂNA 19:19

Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.

HMOTAOPAZY 24:5

He chyhsa he tymâna a taotuhpa, khizaw liata Zu chyhsa zydua a patypahreituhpa nata Nâzari py liata ama hyutuh chaipa pakha a châpa ta eima pahno.

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.