MATHAI 2:2 - Mara Bible RV (BSI)

² “Zuzy bei a pihpa cha khataih liata a y? Nochhi lâta ano awhsi hmô pi ta, ano a naoh awpa ta eimâ vy,” tah ei ta.

MATHAI 2:2 ပူးပေါင်းရင်းမြစ်များ

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 45:11

Na chhithaina ta abei hia patliasa aw ta, Ano cha na zibeipa châ tlôh ta, A hmiakô liata a bôh tyh mah y.

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 30:9

Abeipa ama Khazohpa nata ama bei châta ei padua awpa Dâvi tlao ama chakao aw,” Pheisaihzy Abeipa ta a tah.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

MATHAI 2:3

Cha bie cha Bei Herawda ta a thei nahta, ano nata Zerusale liata chyhsa zydua cha ama nôpo kaw ta.

MATHAI 21:5

“Zaio sawchanô hnohta chho teh u, ‘Moh teh, na beipa cha nâ lâta â vy hai; Areisipa châ ta, Alâ kiah ta, Alâ taw kiahpa ta â vy huh,’” tahpa ta a reipa kha a vaw tlô thei nawpa ta a châ.

MATHAI 27:11

Zisu cha râhvaotuhpa hmiakô liata a duah ta, râhvaotuhpa ta, “Zuzy Beipa na châ ma?” tahpa ta hiahri ta. Zisu ta a hnohta, “Na reipa hawhta ei châ,” tah ta.

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

LUKA 23:3

Pilâ ta, “Zuzy Beipa na châ ma?” tah ta. Zisu ta, “Na reipa hawhta ei châ,” tah ta.

LUKA 23:38

A luh chô liata Krikâh reih, Rawma reih nata Hebrai reihzy ta, “He he Zuzy Beipa a châ,” tahpa ta tawh ei ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 19:19

Pilâ ta châ roh ta, kraws pawhmao liata tawh ta, châ tawpa cha, “Nâzari Zisu, Zuzy Beipa,” tahpa ta ropa a châ.

ZAWHÂNA 20:28

Thawma ta a chhy ta, a hnohta, “Ei Beipa nata ei Khazohpa!” tah ta.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 9:38

Ano ta, “Abeipa, ei ngiapâ na,” tah ta, Zisu cha a naoh ta.

HEBRAI 1:6

Sawchapaw uhtheipa khizaw lâ a za tua nona khata, “Khazohpa vâlyuhchâpa zydua ta ano a naoh mawh ei sy,” tah heih ta.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.