MATHAI 2:16 - Mara Bible RV (BSI)

¹⁶ Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 2:16 ပူးပေါင်းရင်းမြစ်များ

ÂTHAONA 39:14

Pawtipha lapinô ta a o raihriatuhpazy aw ta, ama hnohta, “Moh teh u, eima noh miah pazao awpa ta Hebrai chyhsa miah â vaw chhipa hih. Nâ ziakhei a chhuahpa ta kei lâ a vaw ngia ta, châhrasala ao paro ngaitapa ta awh na ta,

ÂTHAONA 39:17

Pawtipha hnohta a rei hmopa pyly reih heih ta, “Hebrai sei eima o lâ nâ vaw chhipa khata, ei noh na pazao awpa ta kei lâ a vaw ngia ta,

ÂTHAONA 49:7

Ama pathichhiena cha chhiesapa ta y mawh sy, A tah tu pâ haw; Ama hiehâhna chhao chhiesapa ta y mawh sy, A ru tu pâ haw. Zakaw liata pachhaihpazaoh aw ei na ta, Izarei liata ei hiepatla aw ei.

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

ZAWBÂ 12:4

Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

BIESOZY 28:17

Chyhsa thisaih maoh a phaohpa cha, Khaoh­tlô lâ a râ aw ta, Ahy ta hmah bao khah sy.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ISAI 59:7

Ama pheizy cha, Hmo pha leipa tao nawpa lâ a râ ta; Thaileina a hnei leipa thisaih palo awpa ta, Ama phei a chatlie kaw tyh. Ama pachânazy cha, Moleina hmo pachânazy châ ta; Ama lâlaizy liata Roryhrana nata paraona zy a y.

DÂNIAH 3:13

Nebukaneza cha a hiehâh ngaita ta, Sâdarâka, Mesâka nata Abenekô zy cha a vaw chhi awpa ta biepie ta. Cha chyhsazy cha abei hmiakô liata a vaw chhi ei ta.

HÔSIA 10:14

Chavâta na chyhsazy hry liata tymâna vaw pua aw ta, Na thokhy zydua parao khaipa a châ aw. Adyuhna noh liata, Salmâ ta Bethabe a paraopa hawhna khata, Nôzy cha ama sawzy chhaota Taichheihpa ama châ aw.

MALUHREINA 22:29

Bâlâma ta alâ hnohta, “Eina pasipasawhpa vâ chi ta a châ. Zaozi a chaba chhochhi aw sah la, ei cha thie ha aw,” tah ta.

MALUHREINA 24:10

Chatawhcha Bâlâka cha Bâlâma chô liata a pathi ia ta, a ku nata a ku thata a chô ta, Bâlâka ta Bâlâma hnohta, “Ei chariahpazy chhiesapa awpa ta cha aw na ta, pachâ teh, ei thôh dua byhnâ na awpa ei.

MATHAI 2:1

Herawda â bei nota Zudia râh Bethlehe khih liata Zisu a vaw pi nahta, nochhi chyhsa sopazy Zerusale lâ a vy ei ta,

MATHAI 2:17

Hrohsopa Zeremiah ta,

MATHAI 2:7

Herawda ta chyhsa sopazy cha arulâta aw ta, khatita ma awhsi cha â lâ tahpa âmo hiahri pasia ta.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.

RYUREITUHPAZY 16:10

Delilâ ta Sâsawna hnohta, “Pachâ tua, na dôvei chi ta, haipa biezy eina chho chi. Kheihta chahry thei awpa ma na châ, ngiachhiepa ta na chho teh,” tah ta.