MATHAI 2:13 - Mara Bible RV (BSI)

¹³ Ama sie tawhta, Abeipa vâlyuhchâpa cha Zawsi hnohta a mâ lâta a vaw luah ta, a hnohta, “Thyu la, hawsaih nata a nô kha a chhi la, Izi râh lâ a râ teh. Herawda ta hawsaih kha pahleipadia awpa ta a tlua awpa vâta, ei cha chho heih hlâlei cha, cha liata y thlâh ha mah y,” tah ta.

MATHAI 2:13 ပူးပေါင်းရင်းမြစ်များ

1 ABEIZY 11:17

Châhrasala Hâdâ cha a paw chakaotuhpazy hry liata Edômâ chyhsa thokhazy chhaota Izi râh lâ a râ ha ta. He no heta Hâdâ cha hawtita a châ chy.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

ZAWBÂ 33:15

Mâ lâ ta, zâ ta aluahna liata, Chyhsazy ama mokuh pahâ lichih ta, Ama rakhô liata ramâ ama khaih nota,

ZAWBÂ 33:17

Chatanachata chyhsapa cha a hmotaopa pathleihsapa ta, Apalaina cha ano tawhta nyupa ta y aw ta,

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

MATHAI 1:20

Châhrasala he hmo he a pachâ hai nota, Abeipa vâlyuhchâpa cha a hnohta a mâ lâta a vaw luah ta, “Dâvi sawchapawpa Zawsi y, Mâri na lapinô ta hnei awpa chi khah y. A saw phaopa kha Thlahpa Pathaihpa ta a paphaosapa a châ.

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 2:12

Ama mâ lâta Herawda lâ kua lei awpa ta chhopa ama châpa vâta, lâpi hropa lâta ama râh lâ a lie ha ei ta.

MATHAI 2:14

Zawsi cha thyu ta, hawsaih nata a nô cha a chhi ta, azo ta Izi râh lâ cha sie ta.

MATHAI 2:16

Herawda cha chyhsa sopazy ta ama dôpa a pahno nahta, a hiehâh ngaita ta, chyhsa tuah ta, chyhsa sopazy tawhta a daihti a pahnopa hawhta, Bethlehe khih nata a chheipâh zydua liata chapaw hawti kô no tawhta a ry lâ zydua cha thie khai awpa ta biepie ta.

MATHAI 2:22

Châhrasala Akhelâ ta a paw Herawda vyuhpa ta Zudia râh chô liata â bei tahpa a thei nahta, cha lâ sie awpa cha chi ta, a mâ lâta chhopa a châpa hawhta, Kâlili lâ sie ha ta.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 10:7

Bie a chhotuhpa vâlyuhchâpa a sie nahta, Kawnilia cha a chakaotuhpazy hry liata chyhsa pano nata a vaituhpa pheisaihzy hry liata Khazohpa a pachâpa pheisaih pakha aw ta.

HMOTAOPAZY 12:11

Pity cha â vaw thei nahta, “Abeipa ta a vâlyuhchâpa za tuah ta, Herawda ku tawhta nata Zu chyhsazy achhuahna tawhta eina pachha haw, tahpa tahmâ a siapa ta ei pahno haw,” tah ta.

HMOTAOPAZY 12:7

Abeipa vâlyuhchâpa a kiapâh liata a vaw duah ta, patâhna o chhôh cha vaw khaih ta. Pity kâ liata kei chabaih ta, pahra ta, a hnohta, “Thyu para teh,” tah ta. Bâliazy cha a ku tawhta tla ha ta.

HMOTAOPAZY 16:36

Cha bie cha patâhna o vaituhpa ta, Pawla chho ta, “Cha papua awpa ta, bie pachiatuhpazy ta chyhsa ama vaw tuah. Chavâta tahmâ vaw pua u la, thlalôhpa ta sie teh u,” tah ta.

HMOTAOPAZY 5:19

Châhrasala zâ ta Abeipa vâlyuhchâpa pakha ta patâhna o ochhizy cha vaw pahy ta, lyuhchâpazy cha papua ta, ama hnohta,

HMOTAOPAZY 7:19

Cha bei cha eima chipho chô liata chhie ngaita ta, miah pathlatuhpazy cha ama hawsaihzy pahro lei awpa ta, tararuahna hmâpa ta pathysa lymâ ta.

ZAWSUA 3:13

Khizaw zydua Abeipa Zehôvâh Byh asytuhpa theihthaipazy pheipazah ta Zawdâh ti a tlypa nahta, machha lâ tawhta Zawdâh chavah ti a zâ lohpazy cha chie pachhôpa ta a toh aw ta, â duah thlâh ha aw,” tah ta.

ZAWSUA 3:17

Izarei saw zydua ta chavah cha alei hipa liata chaka ei ta, Izarei phopi zydua ta Zawdâh ama chaka khai hlâlei, Abeipa Biehrai Byh asytuhpa theihthaipazy cha Zawdâh chavah liah khophie alei hipa liata a duah thlâh ha ei ta.

ZAWSUA 4:10

Mawsi ta Zawsua bie a piepa zydua hawhta, Abeipa ta zawpi tao awpa Zawsua a chhopazy ama tao khai hlâlei, theihthaipazy cha Zawdâh chavah liah khophie liata a duah thlâh ha ei ta. Zawpizy cha a para ngaitapa ta Zawdâh chaka ei ta.

ZAWSUA 4:18

Chatanachata Abeipa Biehrai Byh asytuhpa theihthaipazy cha Zawdâh chavah liah khophie tawhta vaw pua ei ta, theihthaipazy pheipazah ta alei hipa a tlypa nahta, Zawdâh tizy cha a lo tyhpa hawhta za loh heih ta, a bie tyhpa hawhta a kao zydua a bie khai haw.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.

BIEPHUAH 12:6

Chanô cha Khazohpa ta ano châta â chhuahdypa su, râhchawhpa lâ a râ syulyu ha ta. Cha liata noh 1,260 chhôh pasapa a châ aw.