MATHAI 19:22 - Mara Bible RV (BSI)

²² Cha bie cha thyutliapa ta a thei nahta, sôh hluhpi a hneipa a châpa vâta, pachârôhpa ta sie ha ta.

MATHAI 19:22 ပူးပေါင်းရင်းမြစ်များ

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 14:9

Abei cha a pachârôh kaw ta, châhrasala a bietai vâta nata a hruapazy vâta, Herawdi sawchanônô hiapa cha pie awpa ta biepie ta.

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

MATHAI 19:21

Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MATHAI 19:23

Zisu ta a pachupazy hnohta, “Hmeiseihta ta ei cha chho ei, chyhsa hneirôhpa châta la, vârâh khinarâh a ngia awpa a ru kaw tlai na.

MATHAI 6:24

“Ahy hmahta abei pano chakao pabaoh thei aw veih ei. Pakha a hao aw ta, ahropa cha kyh a pachâ aw. Cha leipa chhao ta, pakha rei a ngiah aw ta, ahropa cha a mopakhô aw. Khazohpa nata khizaw sôh chakao pabaoh thei veih ei chi.

MÂKA 10:22

Sôh hluhpi a hneipa a châpa vâta, cha bie vâna chata a hmia chhie kaw ta, pachârôhpa ta sie ha ta.

MÂKA 6:26

Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta.

LUKA 18:23

Cha biezy cha a thei nahta, sôh hluhpi a hneipa a châpa vâta a pachâ rôh ngaita ta.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

EPHESI 5:5

He he a siapa ta pahno teh u: Apatlana moleina a taopa tlyma, chyhsa puapa tlyma, uahvana a hneipa tlyma, cha hawhpa chyhsazy chata Krista nata Khazohpa khinarâh liata ryu to hnei aw veih ei. Uahvana a hneipa cha nothlahpa achhypa a châ.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.