MATHAI 19:21 - Mara Bible RV (BSI)

²¹ Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MATHAI 19:21 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 6:9

He he Nôah pathlazy thâtih a châ. Nôah cha chyhsa siapa châ ta, ano chhâ chyhsazy hry liata seina a hnei leipa a châ. Nôah cha Khazohpa nata a kaolâh tyh ei ta.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

HLAZY 37:37

Chyhsa phapakipa ngia la, Chyhsa dopa moh tua; A chhâ nawpa cha thlalôhna a châ.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 19:20

Thyutliapa ta Zisu hnohta, “Cha zydua cha ei tao khai haw, tao awpa khâpa ei hnei via chy?” tah ta.

MATHAI 19:22

Cha bie cha thyutliapa ta a thei nahta, sôh hluhpi a hneipa a châpa vâta, pachârôhpa ta sie ha ta.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 4:19

Ama hnohta, “Na zi teh u, chyhsa patutuhpa ta ei cha tao aw ei,” tah ta.

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

MATHAI 8:22

Zisu ta a hnohta, “Na zi teh, athihpazy ta ama chyhsa athipazy cha pabu mawh ei sy,” tah ta.

MATHAI 9:9

Cha su tawhta Zisu cha sie lymâ ta, chhie kheina su liata atyuhpa chyhsa pakha a moh Mathai ama tahpa hmô ta, a hnohta, “Na zi teh,” tah ta. Thyu ta, zi ha ta.

MÂKA 10:21

Zisu ta ano cha moh ta, a kyhpachâ kaw ta, a hnohta, “Hmo miakha nâ phahla: sie la, na hneipa zydua zuah la, dyhchhiepazy pie mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MÂKA 2:14

A sie hai nota, Alphu sawchapawpa Livai cha chhie kheina su liata â tyu thlâh hapa hmô ta, a hnohta, “Na zi teh,” tah ta, thyu ta, zi ha ta.

MÂKA 8:34

Zawpizy cha a pachupazy chhaota ano lâ awpakhy ta, ama hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

LUKA 14:33

Cha hawhna hra chata nama hry liata chhao, a hneipa zydua a siesai leipa cha ei pachupa châ thei aw vei.

LUKA 16:9

Ei cha chho ei, khizaw sôh ta viasa a tao teh u. Chatanachata sôh a chhâ tita chhâzaw pahrâna suzy liata ama cha paysa aw.

LUKA 18:22

Cha cha Zisu ta a thei nahta, a hnohta, “Hmo miakha a phahlapa na hnei. Na hneipa zydua zuah la, dyhchhiepazy rai mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 5:27

Cha khai tawhta Zisu cha pua ta, chhie kheina su liata a tyuhpa, chhiekheituhpa a moh Livai ama tahpa hmô ta, a hnohta, “Na zi teh,” tah ta.

LUKA 6:40

Pachupa cha a pachutuhpa chô liata y beih vei. Châhrasala liahsata ta pachu hapa cha, a pachutuhpa a lyu aw.

LUKA 9:23

Chatawhcha chyhsa zydua hnohta, “Ahy rai eina zi khoh khiahta cha, anosasyh a paky sala, noh chareih a kraws a piapa ta na zi mawh sy.

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

HMOTAOPAZY 2:45

Ama ryuzy, ama sôhzy zuah ei ta, amâ ngiahpa chyu hawhta ama zydua ta a rai tyh ei ta.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.