MATHAI 18:9 - Mara Bible RV (BSI)

⁹ Na mo ta a cha pamoleisa khiahta la, thaoh la, thy syulyu ha mah y. Mo no hnei ta hrienasu mei liata thypa ta na y awpa hlâta cha, mo kha hnei ta hrona liata a ngiapa na châta a pha via.

MATHAI 18:9 ပူးပေါင်းရင်းမြစ်များ

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

MATHAI 18:8

Na ku tlyma, na phei tlyma ta a cha pamoleisa khiahta cha, tai la, thy ha mah y. Ku no tlyma, phei no tlyma hneipa ta, chhâzaw mei liata thypa na châ awpa hlâta cha, pihpasipa ta tlyma, pheisypa ta tlyma, hrona liata a ngiapa na châta a pha via.

MATHAI 19:17

Zisu ta, “Khazia hmo phapa kyh eina hiahri chi? Phapa cha pakha deita a y. Hrona liata nâ ngia khoh khiahta cha, biepiepazy zyh mah y,” tah ta.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MATHAI 5:29

Na mo chachâh lâta a cha pahluasa khiahta la, khie la thy syulyu ha mah y. Na pôhpa duata hrienasu liata thypa hlâta cha, na sa pachiahpa miakha pahleipa cha a pha via.

MÂKA 9:47

Na mo ta a cha pamoleisa khiahta cha, thaoh ha mah y. Mo no hneipa ta Kehenâ liata thypa châ awpa hlâta cha, mo kha hneipa ta Khazohpa khinarâh lâ a ngiapa na châta a pha via.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.