MATHAI 18:35 - Mara Bible RV (BSI)

³⁵ Palôh hmeiseihpa ta nama unawhzy namâ ngiahthai vei khiahta cha, ei Paw vârâh liatapa ta, cha hawhna chata nama zydua chô liata a tao aw,” tah ta.

MATHAI 18:35 ပူးပေါင်းရင်းမြစ်များ

BIESOZY 21:13

Sipasapa awna lâta a nah a chahupa cha, Ano chhao awh aw ta a chhypa châ aw vei.

BIESOZY 21:2

Chyhsa cha ano mokhaoh liata a lâpi to â do tah ta, Abeipa deikua cha palôh kho a pathliah tyh.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

MATHAI 18:34

A zibeipa cha a hiehâh ngaita ta, a leibâh zydua a pie khai hlâlei riethei pataosa awpa ta patâhna o hyutuhpazy hnohta a hlâ haw.

MATHAI 6:12

Eima chô liata hmo a paraopazy eimâ ngiahthaipa hawhta, Eima paraonazy miah ngiahthai mah y.

MÂKA 11:25

Thlahchhâpa ta namâ duana maihta, chyhsa chô liata kheihawhpa biepeipa nama hneipa maih a ngiahthai ha muh vy. Chatanachata nama Paw vârâh liata a ypa chhao ta nama paraonazy a châ ngiahthai aw ei.

MÂKA 11:26

Namâ ngiahthai vei khiahta cha, nama Paw vârâh liata a ypa ta nama paraonazy châ ngiahthai aw veih ei,” tah ta.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.